АБНА24 Хәбәр Верир, гондарма Дағлыг Гарабағ Республикасынын тәһсил назири Лусине Ҝһараханјан ишғалдан азад едилмиш әразиләрдә ермәни мәдәни ирсинин горунмасы мәсәләсинә тохунараг иддиа едиб ки, ҝуја дүнја мәдәни ирси тәһлүкә алтындадыр.
Сепаратчы режимин нүмајәндәси вурғулајыб ки, азәрбајҹанлылар ермәниләрин мәдәни ирсини мәһв едирләр, мәдәни сојгырым давам едир, бу мәнәви, мәдәни гулдурлугдур. Бу, мүһарибәдән даһа да пис террордур, чүнки онлар ганында олан шәхсијјәтинизи оғурламаг истәјирләр.
О хүсуси шәкилдә билдириб ки, Гарабағы һеч бир заман тәрк етмәјәҹәкләр.
Сепаратчы режимин нүмајәндәси там һәјасызлыгла өзләрини мәзлум Фәләстин халгына бәнзәдиб. “Биз Гәззә кими олдуг, мүһарибә илә ојанаҹағыг, мүһарибә илә јатаҹағыг. Бу бизим һәјат тәрзимиздир вә биз бундан гачмырыг”,- дејә дырнагарасы назир гејд едиб.
Мараглыдыр ки, сепаратчылар Ермәнистан дөвләтинин һимајәси илә 30 ил узанан ишғалчылыглары заманы Азәрбајҹанын Дағлыг Гарабағда вә әтрафдакы 7 рајонда бүтүн мәдәнијјәт абидәләрини мәһв едибләр, мәсҹидләрдә исә донуз сахламагла Ислам дининә һөрмәтсизлик едибләр. Лакин сепаратчы назир бу факта тохунмаг истәмәјиб.
Диҝәр тәрәфдән Фәләстин халгы өз тарихиндә һеч бир халгын шәһәрләрини вә кәндләрини харабазара чевирмәјиб, әксинә Исраил режиминин зүлмләринә мәруз галараг өз доғма торпагларындан дидәрҝин салыныб вә тәһгирләрә, гырғынлара мәруз галыбдыр. Бу сәбәбдән сепаратчылары Гәззә әһалисинә бәнзәтмәк абсурддур, онлары ганичән вә вәһшиликдә мисли аз ҝөрүнән Исраил режиминә бәнзәтмәк дүзҝүн оларды.
342/
14 yanvar 2022 - 10:17
Xəbər kodu: 1218766
Гондарма "ДГР"-нин тәһсил назири Азәрбајҹаны азад едилмиш әразиләрдә ермәниләрә мәхсус мәдәнијјәт абидәләрини дағытмагда иттиһам едиб.
