Ҝөрәсән бизимкиләр Ағдам вә Зәнҝилана һидроҝен бомбасы атыблар?

АБНА24 Хәбәр Верир, Епресс.ам вебсајты тәрәфиндән јајылан вә Рубен Вардазарјанын гәләмә алдығы мәгаләдә дејилир:

Хәјалларымызда дәһшәтли мәнзәрәләр ҹанландыран “монгол-татар јүрүшү” һагда чох ешитмишик. Ешитмишик ки, мин ил бундан әввәл монгол-татарлар дүшмәнин јашајыш мәнтәгәләрини әлә кечирәрәк талан едиб, о торпагларда дашы даш үстә гојмајыб, јерлә-јексан едиб. Ушаглыгдан ешитмисиниз ки, ермәниләр бу бөлҝәдә јашајан ганичән көчәри барбарлардан фәргли олараг, јеҝанә сивил, һуманист Авропа халгыдыр. Инди исә суалым: Һөрмәтли охуҹу, һәјатда өзүндән нечә дәфә сорушмусан ки, Ағдам шәһәри артыг 30 илдир нијә јохдур? Јохдур. Јер планетиндә артыг Ағдам шәһәри мөвҹуд дејил. Нә үчүн?

Мәсәлән, мән илк дәфә Ағдамын, сонра Зәнҝиланын, Ҹәбрајылын вә диҝәр бөјүклү-кичикли Азәрбајҹан кәндләринин галыгларыны ҝөрдүкә нә үчүнсә, гејри-ихтијари өзүмдән сорушдум: ҝөрәсән бу јерләрдә неҹә дөјүшләр ҝедиб ки, бир дәнә дә саламат ев, гапы, пәнҹәрә галмајыб? Јәни бизимкиләр Ағдам вә Зәнҝилана һидроҝен бомбасы атыблар? Јох ора нәинки һидроҝен бомбасы атылмајыб, һеч 90% һалларда танклар да ҝирмәјиб. Оралар узағы ики һәфтә “Град”ларла атәшә тутулуб. Елә исә Ағдамы, Ҹәбрајылы вә диҝәрләрини дармадағын едән нә ола биләрди? Ачығы өз ушагларыны монгол-татарларла горхудан халгын бөјүк һиссәси онлардан мин ил сонра өз евләрини тәрк етмиш азәрбајҹанлыларын әмлакыны ачыг-ашкар, үстәлик, дөвләт тәрәфиндән һеч бир гадаға олмадан гарәт едиб. Неҹә јол вермәк оларды ки, мүсәлманлар үчүн мүгәддәс јерләрдә донуз сахланылсын, азәрбајҹанлыларын мәзарлары газылараг мејитләрин гызыл дишләри чәкилсин? Өзү дә һәр јанда. Ахы неҹә? Мәним бејним бунлары һеч ҹүр гавраја билмир. Нә дејәҹәјик? Дејәҹәјик ки, Азәрбајҹанын дөрддә бирини торнадо сүпүрүб апарыб? Неҹә? Азәрбајҹанын гарабағлыларын әлинә кечмиш мүлки објектләринин башына нә ојун ачдығыны ҝөрән дүнја онларын сүлһсевәр азадлыг мүбаризәси апардығына неҹә инансын?

Һөрмәтли “Фаҹебоок” ермәниләри, сијаси бахышларыныздан асылы олмајараг етираф един ки, ҝеҹә-ҝүндүз барбарлардан шикајәт едән сивил милләт ХХЫ әсрдә мүдафиәсиз шәһәрләри гарәт едиб дағытмаз.

Гардашлар, Чернобыла чеврилмиш бу једди рајонда бир бина белә, галмајыб. Баша дүшүрсүнүз? Ҹәми ики гарәт едилмиш мәсҹид галыб ки, орада да донуз сахламысыныз.

342/