Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, нефт вә с. тәбии сәрвәтләрлә зәнҝин олан Азәрбајҹан Республикасында инсанлар сәфаләт ичәрисиндә јашамагдадырлар. Белә ки, Азәрбајҹан медиасынын билдирдијинә ҝөрә, Бакыда күзәләрдә јатан 11 јашлы ушағын наркотик алудәчиси олдуғу иддиа едилиб.
Бу барәдә “Азәрбајҹан Ушаглары” Иҹтимаи Бирлијинин сәдри Кәмалә Ағазадә пајлашым едиб.
Онун сөзләринә ҝөрә, дөвләт гурумлары ушаға дәстәк ҝөстәрмир:
“Ушагнаркотикасылылығынданпсихихәстәјәчеврилиб. Һеч олмазса ону руһи-әсәб хәстәханасына јерләшдирин. “Низами” метросунун јахынлығындадыр...
Бу ушаг Азәрбајҹан вәтәндашыдыр. Русланы дәфәләрлә Бакы Шәһәр Полис Идарәсинин әмәкдашлары, Јасамал Полис Идарәсинин әмәкдашлары тапыб апарыб аидијјәти, даһа дәгиг десәм, Сәһијјә Назирлијинин “103” хидмәти васитәси илә диспансерә, хәстәханаја јерләшдирилиб, амма һеч 1 саат кечмәдән сәһијјә мүәссисәси әмәкдашлары “ај, гачды!” дејиб хәстә бир ушагдан гуртулублар!”
Аилә, Гадын вә Ушаг Проблемләри үзрә Дөвләт Комитәсинин мәтбуат катиби Тејмур Мәрданоғлу Оху.Аз-ын сорғусуна ҹаваб олараг билдириб ки, сөзүҝедән ушаг дәфәләрлә хәстәханаја јерләшдирилсә дә, һәр дәфә орадан гачыб:
“Сонунҹу дәфә әмәкдашымызын иштиракы илә тәҹили тибби јардым автомобили илә апарылан заман гачмышды. Һазырда ушағын тапылмасы илә бағлы һүгуг-мүһафизә органлары вә комитә әмәкдашлары әразидәдир. Ушаг тапыландан сонра комитәнин әмәкдашлары илә бирликдә хәстәханаја тәһвил вериләҹәк”.
О, “ушағын сәнәдинин һазырланмасы илә бағлы аидијјәти органлар мәшғулдурлар” демәклә мәсәләнин битмиш кими саныб.
Диггәт: Хәбәрдән Истифадә Етдикдә Мәнбәјә Истинад Лазымдыр!
