АБНА24 Хәбәр Верир, јанварын 10-да јалныз Азәрбајҹан Хариҹи Ишләр Назирлији бәјанат верәрәк Газахыстан халгына башсағлығынын мәтнини јајыб, бәјанаты президент Токајевә вә ја өлкәнин кечмиш лидери Назарбајевә үнванламајыб.
Аҝентлик бунун мүмкүн сәбәбләри барәдә шәрһчиләрин мөвгејини ишыгландырыб. Политолог Елхан Шаһиноғлу билдириб ки, рәсми Бакы Токајевин Русија гошунларыны Газахыстана дәвәт етмәсини сәһв һесаб едир вә 20 јанвар 1990-ҹы ил тарихиндә Бакыја гошунларын јеридилмәсинә аналожи олараг ишғал кими гијмәтләндирир. Диҝәр тәрәфдән, президент Токајевин Коллектив Тәһлүкәсизлик Мүгавиләси Тәшкилаты гошунларыны нүмајишчиләрә атәш ачмаға чағырмаг гәрары Бакыда суаллар доғурур. Она ҝөрә дә, Токајевә ачыг дәстәк Русија Федерасијасы гошунларынын Газахыстана дахил олмасыны тәгдир етмәк демәкдир", - дејә Шаһиноғлу бәјан едиб.
Һанкук Хариҹи Арашдырмалар Университетинин профессору Рөвшән Ибраһимов исә Туран-а дејиб ки, истәнилән һалда гијмәт вермәк чәтиндир, чүнки Газахыстанда баш верәнләр бу өлкә халгынын вә лидерләринин гәрарыдыр.
Политолог Шаһин Ҹәфәрли исә һесаб едир ки, Азәрбајҹан рәһбәрлији һадисәләри һәлә чөзмәјиб. Һәгигәтән Назарбајев кәнарлашдырылыбмы? Гајыда биләрми? Токајев һәр шејә там нәзарәт едирми? Индики мәрһәләдә президент Әлијевин өз фикрини мүәјјәнләшдирмәси вә сөјләмәси чәтиндир. "Диҝәр тәрәфдән, Бакы Русија факторуну нәзәрә алыр. Русијанын марагларына гаршы чыха билмир вә ҝөзләмәјә үстүнлүк верир”.
О гејд едиб ки, рәсми Бакы әнәнәви олараг һадисәләрлә бағлы өз мөвгејини оператив ифадә етмәјә тәләсмир. Бу, стандарт сијасәтдир вә Администрасијанын тәрзидир. Бунунла јанашы, ајдындыр ки, Бакы истәнилән өлкәдә, хүсусилә дә постсовет мәканында истәнилән күчә етиразына гәти шәкилдә етираз едир. Белә һадисәләр Азәрбајҹан рәһбәрлијинин марагларына зиддир. Чох ҝүман ки, Газахыстанда вәзијјәт сабитләшәндән сонра Бакыдан Астанаја зәнҝ ҝедәҹәк вә Азәрбајҹан президентинин дәстәји ифадә едиләҹәк, - дејә Ҹәфәрли сөјләјиб.
Хатырладаг ки, сон ҝүнләр медиада ҝедән тәһлилләрдә Русија президентинин ССРИ-ни јени формада гурмаг истәји фонунда Газахыстанда иғтишашлар төрәдилдији вә Русијанын пост-модерн шәклиндә Газахыстаны ишғал етмәси ирәли сүрүлән версијалар сырасында тәгдим олунуб.
342/
11 yanvar 2022 - 12:57
Xəbər kodu: 1217791
Газахыстанда јашанан ганлы олајлара Азәрбајҹанын кибермәканында вә КИВ-ләрдә ҝениш јер ајрылса да, дөвләт сәвијјәсиндә сусгунлуг мүшаһидә олунур.
