АБНА24 Хәбәр Верир, Газахыстан Президенти Гасым-Жомарт Токајев дејиб ки, Газахыстанда баш верән иғтишашлар нәтиҹәсиндә дәјән игтисади зәрәр 2-3 милјард доллар тәшкил едир.
Токајев гејд едиб ки, иғтишашлар нәтиҹәсиндә бир чох һүгуг-мүһафизә органынын әмәкдашлары вә динҹ сакинләр гурбан ҝедиб, 1 300-ә јахын саһибкарлыг објектинә зијан дәјиб, 100-дән артыг тиҹарәт мәркәзи вә банк гарәт олунуб, 500-ә јахын полис автомобили јандырылыб.
Дөвләт башчысынын сөзләринә ҝөрә, Газахыатана һүҹум планы мүрәккәб олуб. Бу мәсәләнин үстүндә пешәкарлар ишләјирди. Һүҹумчулар Газахыстанда һакимијјәти әлә кечирмәк истәјибләр. Дөвләт чеврилиши исә баш тутмајыб.
Токајев баш верән һадисәләр фонунда Газахыстан милли тәһлүкәсизлик схеминин јенидән формалашдырылмасыны, өлкәдә Милли Гвардијанын јени бөлмәләри вә хүсуси тәјинатлыларын јарадылмасәыны вә сәрһәд хидмәтинин фәалијјәтинә јенидән бахылмасыны гаршыдакы планлардан адландырыб.
О һәмчинин КТМТ гүввәләринин Газахыстана ҝәтирилмәси илә әлагәдар јаранмыш нараһатлыглара ҹаваб олараг дејиб ки, Коллектив Тәһлүкәсизлик Мүгавиләси Тәшкилатынын континҝенти ики ҝүндән сонра Газахыстандан чыхмаға башлајаҹаг. Өлкәдә вәзијјәт сабитдир. КТМТ-нин әсас миссијасы баша чатыб.
Гејд едәк ки, Газахыстанда етиразлар 2022-ҹи илин илк ҝүнләриндә маје газын гијмәтинин галдырылмасындан сонра башлајыб. Ардынҹа сијаси наразылыгла мүшајиәт олунан шикајәтләр даһа ҝениш вүсәт алыб.
Олајларын критик һәддә чатмасы вә өлкәнин ән ири шәһәри сајылан Алматынын фактики олараг иғтишашчыларын нәзарәтинә кечмәси илә Газахыстан президенти Токајев проблемин архасында хариҹдә тәлим кечмиш "террорчу дәстәләрин" дурдуғуну дејәрәк, Русијанын рәһбәрлик етдији Коллектив Тәһлүкәсизлик Мүгавиләси Тәшкилатындан (КТМТ) көмәк истәјиб.
Газахыстанын һүгуг-мүһафизә органлары билдирирләр ки, өлкәдә баш верән иғтишашларла бағлы 10 минә јахын адам сахланылыб.
Газахыстан Дахили Ишләр Назирлијинин мәтбуат хидмәти тәрәфиндән јајылан мәлуматда дејилир ки, һүгуг-мүһафизә органлары 9900 нәфәри һәбс едиб.
342/
11 yanvar 2022 - 12:53
Xəbər kodu: 1217784
Газахыстан президенти сон ҝүнләр өлкәни бүрүмүш иғтишачларын төрәтдији зијанлар барәдә халга мәлумат вериб вә КТМТ гүввәләринин тезликлә Газахыстаны тәрк едәҹәкләринә сөз вериб.
