АБНА24 Хәбәр Верир, 886 сәһифәлик "Исламофобија 2020 үзрә Авропа Һесабаты" адлы бу һесабат мүхтәлиф өлкәләрдән 37 университет мәркәзи тәрәфиндән һазырланыб.
Бу һесабат, әсасән, континентал Авропада олмагла 31 өлкәдә Исламофобија феноменини арашдырмышдыр.
Һесабат бәзи Авропа һөкүмәтләринин мүсәлманлара гаршы ајры-сечкилијә јөнәлмиш һәрәкәтләрини вә бәзи ифрат сағчы сијасәтчиләрин анти-Исламизми гануниләшдирмәк ҹәһдләрини ҝөстәрир.
Авропа өлкәләриндә исламофобијаны гануниләшдирмәк ҹәһди олараг бу һесабатын гејд етдији ән мүһүм аддымлар бунлардыр:
Австрија һөкумәти "Исламын Милли Хәритәс" адлы рәгәмсал хәритә һазырлајыб. Бу хәритәдә 620-дән чох мәсҹидин, Ислам Дәрнәјинин вә мүсәлман рәсмиләрин ад вә үнванларынын сијаһысы вар. Мүтәхәссисләр рәгәмсал хәритәнин мүсәлманлары потенсиал ҹинајәткар кими таныдығыны билдирирләр.
Белчикада да Конститусија Мәһкәмәси 2020-ҹи илин ијулунда сијаси вә дини символларын, хүсусән дә һиҹабын али тәһсил мүәссисәләриндә гадаған едилмәси барәдә гәрар чыхарыб.
Данимаркада исә ифрат сағчы Данимарка Халг Партијасы бүтүн дөвләт гурумларында Ислам һиҹабынын гадаған едилмәси илә бағлы ганун лајиһәсини парламентә тәгдим едиб. Бахмајараг ки, бу план парламент тәрәфиндән рәдд едилиб.
Франсада һаким партија 18 јашына чатмамыш гызларын иҹтимаи јерләрдә һиҹаб тахмасыны гадаған едән ганун лајиһәсини парламентә тәгдим едиб.
Алманијада түркәсилли һаким, мәһкәмә заманы баш өртүјү тахдығына ҝөрә ишдән говулуб.
Исвечин тәһсил назири дә өлкәдә дини мәктәбләрин тикинтисинә гадаға гојулдуғуну ачыглајыб.
Нәһајәт, Һолландијада ифрат сағчы тәмсилчи вә Азадлыг Партијасынын лидери Ҝеерт Вилдерс бир нечә дәфә һиҹабы гадаған етмәјә ҹәһд едиб.
342/
6 yanvar 2022 - 11:45
Xəbər kodu: 1216178
"Авропада Исламофобија" адлы иллик һесабатда бир чох Авропа өлкәләриндә исламофобија вә мүсәлманлара гаршы ајры-сечкилијин гануниләшдирилмәси сәјләри ҝөстәрилир.
