КТМТ гүввәләри Газахыстана јеридилиб

АБНА24 Хәбәр Верир, Алматы шәһәр комендатурасы билдириб ки, Алматы шәһәриндә күтләви етиразлар заманы 12 асајиш кешикчиси өлдүрүлүб. Онлардан биринин башынын кәсилдији дејилир.

Мәлумата ҝөрә һүгуг мүһафизә органларынын 353 әмәкдашы да јараланыб. Анҹаг етиразчылар арасында өлән вә јаралананларын сајы барәдә рәсми мәлумат јохдур.

Газахыстан президенти әһалијә мүраҹиәт едәрәк иғтишашларын хариҹи гүввәләр вә террорчулар тәрәфиндән тәшкил едилдијини билдириб.

"Өлкәмизин әразисинин тәхминән јарысыны иғтишашлар бүрүјүб. Алматыда хүсусилә ағыр вәзијјәт јараныб. Хулиганлыг едән үнсүрләрин јүксәк мүтәшәккиллији диггәти ҹәлб едир. Бу, мадди мотивасијалы суи- гәсдчиләрин диггәтлә дүшүнүлмүш фәалијјәт планындан хәбәр верир", - Токајев билдириб.

Онун сөзләринә ҝөрә, Газахыстан агрессијаја мәруз галыб, она ҝөрә дә јардым хаһишилә Коллектив Тәһлүкәсизлик Мүгавиләси Тәшкилатына мүраҹиәт едиб.

РИА “Новости” билдирир ки, артыг Коллектив Тәһлүкәсизлик Мүгавиләси Тәшкилаты (КТМТ) Газахыстана сүлһмәрамлы миссија ҝөндәриб вә континҝентин бөлмәләри артыг Газахыстанда өз хидмәти вәзифәләрини јеринә јетирмәјә башлајыб. Бу барәдә КТМТ Баш Катиблији мәлумат јајыб.

Мәлуматда о да гејд олунуб ки,КТМТ-нин сүлһмәрамлы гүввәләринин әсас вәзифәси ваҹиб дөвләт вә һәрби објектләрин мүһафизәси, Газахыстан Республикасынын асајиш кешикчиләринә вәзијјәтин стабилләшмәси вә һадисәләрин һүгуги мүстәвијә гајытмасында јардым етмәк олаҹаг.

Бу арада, өтән ҝеҹә Алматы аеропорту да дахил олмагла, өлкәнин мүхтәлиф шәһәрләриндә бир чох објектләр банклара, мағазалар, тиҹарәт вә инзибати објектләр гарәтчиләрин һүҹумларына мәруз галыб.

Јанварын 6-да сәһәрдән шәһәрдә иғтишашлары төрәдәнләрин тәмизләнмәси әмәлијјаты башлајыб. Полис әһалини евләрини тәрк етмәмәјә чағырыб.

Өлкәдә банкларын вә Фонд Биржасынын фәалијјәти дајандырылыб. Газахыстанын әксәр һиссәсиндә Интернет вә мобил рабитәдә кәсинтиләр јараныб.

Токајев Газахстанын ҝүҹ гурумларынын рәһбәрләрини дәјишиб, бөјүк јоллара гошун јеридилир.

342/