АБНА24 Хәбәр Верир, Зәһра Иршади јерли вахтла чәршәнбә ҝүнү БМТ Тәһлүкәсизлик Шурасынын Гәрби Асијаја һәср олунмуш јығынҹағында дејиб: Биз һәр һансы кәс тәрәфиндән, һәр һансы мәканда вә һәр һансы шәраитдә кимјәви силаһлардан истифадәни кәскин тәрздә писләмәк үзрә өз чохданкы вә принсипиал мөвгејимизи тәкрар едирик.
Иран Ислам Республикасынын БМТ-дәки јүксәк вәзифәли дипломаты әлавә едиб: Кимјәви силаһлардан бир даһа истифадә едилмәјәҹәји барәдә јеҝанә мүтләг зәманәт, бүтүн дүнјада бүтүн кимјәви силаһларын мәһв едилмәси, һәмчинин ҝәләҹәкдә бу кими силаһларын истеһсал вә онлардан истифадә едилмәјәҹәјинә әмин олмаг үчүн бүтүн зәрури тәдбирләрин ҝөрүлмәсидир.
Иршади даһа сонра дејиб: Әслиндә, бу, кимјәви силаһларын гадаған олунмасы конвенсијасынын әсас һәдәфидир. Бу һәдәф, јалныз конвенсијанын ајры-сечкилик едилмәдән, тәсирли, баланслы вә там шәкилдә иҹрасы, һәмчинин онун ҹаһаншүмуллуғу јолу илә һәјата кечирилә биләр.
Иранын БМТ-дәки нүмајәндәсинин мүавини сөјләјиб: Һәлә дә гејд едилән конвенсијанын јеҝанә үзвү кими кимјәви силаһа малик олан Американын һәмин силаһларын мәһв едилмәси үзрә сонунҹу мөһләтдә дә өз өһдәликләринә садиг галмамасы нәтиҹәсиндә бу мәгсәд һәлә реаллашмајыб вә бу, ҹидди ниҝаранчылыға әсас верир.
Иран Ислам Республикасынын БМТ-дәки јүксәк вәзифәли дипломаты сонра белә гејд едиб: Бу саһәдәки диҝәр манеә, конвенсијанын ҹаһаншүмул олмамасыдыр. Бу јүксәк һәдәфә чатмаг үчүн Исраил режими һеч бир өншәрт вә ја даһа артыг тәхир олмадан бу конвенсијаја гатылмаға мәҹбур едилмәлидир.
Иранын БМТ-дәки нүмајәндәсинин мүавини даһа сонра вурғулајыб: Биз бир даһа конвенсијанын иҹра едилмәсинин сијасиләшдирилмәсинин онун ҝүҹү вә етибарына ҹидди тәсирләри барәдә хәбәрдарлыг вә бу сәбәбдән, кимјәви силаһларын гадаған едилмәси тәшкилатынын фәалијјәтинин сијасиләшдирилмәмәсини тәләб едирик. Конвенсијанын бүтүн үзвләри өз милли һәдәфләрини ирәлиләтмәк үчүн сијаси мәгсәдләрлә бу тәшкилатдан суи-истифадә етмәкдән чәкинмәлидирләр.
342/
6 yanvar 2022 - 11:02
Xəbər kodu: 1216163
Иранын БМТ-дәки сәфири вә даими нүмајәндәсинин мүавини билдириб ки, Америка вә сионист режим дүнјада кимјәви силаһларын там шәкилдә мәһв едилмәсинә әсас манеәдирләр.
