АБНА24 Хәбәр Верир, бундан әввәл ермәни дипломат Армен Смбатјан сионист режим президентинин фәрманы илә Тәл-Әвивдән ҝери чағрылмышды. Бәзи мәнбәләр билдирирләр ки, кечмиш сәфирин ҝери чағырылмасына сәбәб Исраил режими илә Азәрбајҹан арасындакы силаһ мүгавиләләри олуб вә 44 ҝүнлүк мүһарибәдә Исраилдән алынмыш силаһ вә техникандан ермәни гүввәләринә гаршы истифадә олундуғуна хатир Пашинјан һөкумәти Исраилә јени сәфир тәјин етмәјә тәләсмәди вә долајысы јолла Исраил режиминдән инҹик дүшдүјүнү нүмајиш етдирди. Она ҝөрә дә ола билсин ки, иргчи режим һансыса вәдләрлә Ирәванын көнлүнү алыб вә ону Тәл-Әвивә сәфир ҝөндәрмәјә разы салыбдыр. Сионистләр һәм дә Азәрбајҹан Республикасына месаж ҝөндәрмиш олурлар ки, Исраилдә сәфирликләри ачылмаса, Ҹәнуби Гафгазда Ермәнистаны өзләринә стратежи мүттәфиг сечәҹәкләр. Бунунла да Исраил режими бир ҝүллә илә ики довшан вурур: Ҹәнуби Гафгаздакы мәшум мөвҹудлуғуну ҝүҹләндирир вә Азәрбајҹаны чәтин вәзијјәтдә гојур. Белә тәсәввүр јарадыр ки, һәр ики Гафгаз өлкәсинин ҝәләҹәји вә инкишафы Исраилә јахынлашмаларындан асылыдыр, өзүнүн исә ҝизли нијјәтләрини ашкар етмир.
Шүбһә јохдур ки, Ҹәнуби Гафгазы илк нөвбәдә ҹасуслуг полигонуна чевирмәк, силаһ сатышына шәраит јаратмаг вә халглар арасында тәфригә салмаг сионист режимин реҝионда гаршыја гојдуғу стратеҝијалары сырасындадыр. Бунун үчүн исә һәрби-мүдафиә әмәкдашлығындан вә кәнд тәсәррүфаты фәалијјәтләриндән садәҹә олараг бир өртүк кими истифадә олунур.
Әслиндә әввәлдән дә бәлли иди ки, Азәрбајҹанла силаһ мүгавиләләри һеч дә бу дөвләтин үстүнлүјүнү тәмин етмәјә көкләнмәјиб, исраиллиләр охшар силаһ вә техниканы пулун мүгабилиндә Ермәнистана да сатмаға һазырдырлар вә бу месаж ики ил әввәл Исраилин реҝионал әмәкдашлыглар назири Тсаһи Һанегби-нин Ирәвана сәфәри заманы Ермәнистан рәһбәрлијинин диггәтинә чатдырылды. Бу исә о демәкдир ки, Исраил нә Азәрбајҹанын достудур, нә дә Ермәнистанын, онун досту јалныз стратежи марагларыдыр. Она ҝөрә дә Азәрбајҹанла јанашы Ермәнистан рәсмиләринин дә вәзијјәти дүзҝүн анализ етмәләри ваҹибдир.
Диҝәр тәрәфдән сирр дејил ки, рәсми Ирәванын Исраилә јахынлашмасы Иранда гыҹыг доғурур. Чүнки сионистләри бөлҝәдә марагландыран мәгамлардан бири Иран сәрһәдләринә јахынлашмаг вә икинҹиси Азәрбајҹанла јанашы Ермәнистанын да ҝүҹ структурларына нүфуз етмәкдир. Әләлхүсус да, Исраил режими Икинҹи Гарабағ Мүһарибәсиндән сонра Ермәнистанла әлагәләрини ҝенишләндирмәк үчүн мүнбит шәраит јарандығыны дүшүнүр вә һесаб едир ки, бу ишдә Азәрбајҹанын етиразы илә үзләшмәјәҹәк. Сионистләрин әсас приоритетләриндән бири Гафгаз реҝиону өлкәләри илә әлагәләри ҝүҹләндирмәк, бу ҝеосијаси мәкана тәсир етмәк вә үч Ҹәнуби Гафгаз өлкәсинин Иранла әлагәләрини позмагдыр.
Ајдын мәсәләдир ки, Ермәнистан рәһбәрләринин Исраилә јахынлашмаг гәрары Америка вә сионист режимин тәшвиги илә баш тутмушдур. Бәлкә дә игтисади проблемләрин һәлли вә јени технолоҝија тәдарүкү барәдә верилән вәдләр Ермәнистан һөкумәтини Исраил илә әлагә гурмаға һәвәсләндириб. Һалбуки Ермәнистан һакимијјәти нәзәрә алмалыдыр ки, сионист режимин Гафгаз реҝионундакы мәгсәди стратежи нүфузуну ҝенишләндирмәкдир.
Бу сәбәбдән сионист режимлә әлагәләри инкишаф етдирмәк Ермәнистанын стратежи мәсәләләринә көмәк етмәјәҹәк, үстәлик онун Иранла мүнасибәтләриндә ҝәрҝинлик јарада биләр.
Үмумиликдә демәк олар ки, Ермәнистанын Исраил илә мүнасибәтләрини ҝенишләндирмәси стратежи бир сәһвдир вә она уғур газандырмајаҹагдыр.
342/
5 yanvar 2022 - 13:49
Xəbər kodu: 1215909
Ермәнистан президенти әввәлләр Бразилија, Колумбија вә Боливијада ермәни дипломатијасына рәһбәрлик етмиш Арман Акопјаны Исраилә јени сәфир тәјин едиб.
