Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Венесуела президенти Николас Мадуро Ливанын Әл-Мәјадин шәбәкәсинә мүсаһибәсиндә Фәләстин мәсәләси вә мәзлум халгына дәстәк барәдә дејиб: "Дүнјада һеч ким биздән Фәләстини мүдафиә етмәкдән ваз кечмәјимизи тәләб етмәјә ҹәсарәт етмир вә биз бу сөзү гәбул едә билмәрик, чүнки ону садәҹә ешитмәк ҝүнаһдыр".
О, Фәләстинин бәшәријјәтин мүгәддәс торпағы вә үч пејғәмбәрин мүгәддәс үммәти олдуғуну вә чох јүксәк статуса малик олдуғуну билдириб вә әлавә едиб: “Фәләстин халгына гаршы төрәдилән ҹинајәтләрин әвәзи бир ҝүн вериләҹәк. Фәләстин вә онун халгы Венесуела халгынын вә Һуҝо Чавез тәрәфиндән һәјата кечирилән Боливари ингилабынын там дәстәјинә маликдир, чүнки биз Фәләстини вә онун бүтүн халгыны севирик”.
“Венесуела партија вә групларынын Фәләстин вә Фәләстин мухтаријјәтинин башчысы Маһмуд Аббасла јахшы мүнасибәтләри вар вә биз Фәләстинә ән јахшысыны арзулајырыг. Фәләстинлә әмәкдашлыг мүгавиләләри јахшы ҝедир. Биз һәгигәтән Фәләстин үчүн даһа чох шеј етмәк истәјирик”- дејәрәк Мадуро билдириб.
О, дүнја халгы вә һөкмдарларыны вә бүтүн әрәб һөкмдарлары вә Ислам дүнјасыны Фәләстини тәк гојмамаға чағырыб вә әлавә едиб: “Фәләстин әрәб һөкмдарлары вә Ислам дүнјасы тәрәфиндән ҹәсарәт вә гәтијјәтлә дәстәкләнмәјә лајигдир”.
Венесуела президенти Николас Мадуро тәкидлә дејиб: “Биз Фәләстиндә һәр ҝүн ҝәнҹләрә гаршы ҹинајәт вә гәтлләринин шаһидијик вә ҹинајәтләр вә гәтлләр вә сионист режимин Фәләстиндә етдикләри тәсвир олунмаз вә бәнзәрсиздир”.
Диггәт: Хәбәрдән Истифадә Етдикдә Мәнбәјә Истинад Лазымдыр!
