АБНА24 Хәбәр Верир, Иранын Мәһкәмә Һакимијјәтинин бејнәлхалг мәсәләләр үзрә сәдр мүавини вә Инсан Һаглары Шурасынын катиби Казим Гәрибабади Иран Телевизијасынын икинҹи каналына вердији мүсаһибәдә әлавә едиб: "Бу сајда шүбһәли вә тәгсирләндирилән шәхсдән әлавә бәзи диҝәр өлкәләр дә бу ҹинајәтә дәстәк верибләр".
О, гејд едиб ки, Иран Ислам Республикасынын мәгсәди ҹинајәтин баш вердији өлкә олан Ираг һөкумәти илә әмәкдашлыг едәрәк, бу террор ҹинајәтинин бүтүн тәшкилатчылары вә иҹрачыларыны мүәјјән едиб, мәһкәмәјә вермәкдир".
Гәрибабади әлавә едиб: "Бу террорчу ҹинајәтин тәшкилатчылары вә иҹрачыларынын башында АБШ-ын кечмиш президенти Доналд Трамп дајаныр. Трамп белә бир террор ҹинајәтини төрәтдијини етираф едән вә буну шәрәф сајан бир шәхсдир. Онун етирафы бејнәлхалг мәһкәмәләрдә истинад едиләси бир сәнәд һесаб олунур".
Онун сөзләринә ҝөрә, ҝенерал Һаҹы Гасим Сүлејманинин террору илә бағлы ҹинајәт иши ҹинајәт мүстәвисиндә арашдырылыр вә бу иш тезликлә јекунлашаҹаг.
Гејд едәк ки, бу ҝүн 2022-ҹи ил јанварын 3-ү Иран Ислам Ингилабы Кешикчиләри Корпусу Сепаһ-ын Гүдс Гүввәләринин команданы ҝенерал-лејтенант Һаҹы Гасим Сүлејманинин шәһадәтинин илдөнүмүдүр.
342/
3 yanvar 2022 - 16:30
Xəbər kodu: 1215173
Иранын Мәһкәмә Һакимијјәтинин бејнәлхалг мәсәләләр үзрә сәдр мүавини дејиб: "Шәһид Һаҹы Гасим Сүлејманинин террору илә бағлы ҹинајәт иши үзрә 125 шүбһәлинин вә әсас мүттәһимләрин әксәријјәти АБШ һөкумәтиндә олан шәхсләрдир".
