АБНА24 Хәбәр Верир, Ермәнистанын әрази идарәетмә вә инфраструктур назири Гнел Саносјан билдириб ки, Јерасх-Нахчыван-Ҹулфа дәмир јолу һиссәсинин тикинтиси бир илә баша чатдырыла биләр.
О дејиб: "Илкин һесабламалара ҝөрә, бу һиссәнин фәалијјәтә башламасы, јүкләрин дашынмасы 10 ајдан 1 илә гәдәр вахт апараҹаг, галан һиссәси үчүн исә даһа чох вахт тәләб олунаҹаг.
Саносјан гејд едиб ки, бәзи саһәләрдә бөјүк иш тәләб олунур, диҝәрләринин исә бәрпа вә ишә салынмасы даһа асан олаҹаг вә бунлардан ән мүһүмү Араздәјәндән Нахчывана, даһа сонра исә Иран истигамәтиндә олан јолдур.
Ермәни назир вурғулајыб ки, Меғри вә Һорадиз әразисиндә вәзијјәт хејли мүрәккәбдир - орада көһнә јол сөкүлүб.
Онун сөзләринә ҝөрә, дәмир јолунун бәрпасы просеси узун мүддәтлидир, мүзакирәләр апарылыр. Паралел олараг експертләр сәвијјәсиндә дә ишләр ҝөрүлүр.
342/
31 dekabr 2021 - 12:30
Xəbər kodu: 1214009
Ермәни назир Нахчыван үзәриндән Ермәнистан-Иран дәмир јолунун тикинтисинин бир илә баша чатдырыла биләҹәјини сөјләјиб.
