Пакајин: “Гоншуларла мүнасибәтләр стратежи олмалыдыр”

АБНА24 Хәбәр Верир, Мөһсүн Пакајин Иранын дөвләт хәбәр аҝентлији ИРНА илә мүсаһибәдә дејиб ки, Иранын Шанхај Әмәкдашлыг Тәшкилатына үзвлүјү шәргә бахмаг сијасәтини ҝүҹләндирмәк үчүн чох јахшы бир аддым олду вә бу аддым гоншу өлкәләрдән бәзисинин сөзү ҝедән тәшкилатда олдугларына хатир һәм дә Иранын гоншулуг сијасәтинә ујғундур.

Сабиг дипломатын сөзләринә ҝөрә, Иранын Шанхај Әмәкдашлыг Тәшкилатына үзвлүјү һәм дә Аврасија өлкәләри илә әлагәләрин ҝүҹләндирилмәси вә артырылмасы чәрчивәсиндәдир вә Ислам Республикасы үчүн һәм тәһлүкәсизлик, һәм дә игтисадијјат бахымындан бөјүк фајдалары олан чох конструктив бир фәалијјәт чәрчивәсидир.

О әлавә едиб: “Гоншуларымызла мүнасибәтләримиз стратежи характер дашымалыдыр вә биз буна сырф санксијалары зәрәрсизләшдирмәк үчүн тактики аддым кими бахмамалыјыг, һәтта санксијалар арадан галдырылса белә, гоншу өлкәләрлә әмәкдашлыг етмәлијик. Тиҹарәт, енержи, транзит, кәнд тәсәррүфаты вә туризмин мүхтәлиф саһәләриндә реҝионда мөвҹуд имканлары мүәјјән етмәк вә ишә салмаг үчүн гоншу өлкәләрлә ишләмәк барәдә стратежи бахышымыз олмалыдыр.”

Кечмиш дипломат 13-ҹү һөкумәтин хариҹи сијасәтдә ҝәрҝинлијин азалдылмасы саһәсиндә сијасәтини јүксәк гијмәтләндириб вә дејиб: “13-ҹү һөкумәт практикада гоншуларла мүнасибәтләри ҝүҹләндирмәк әзминдә олдуғуну нүмајиш етдирир.

О, 13-ҹү һөкумәтин илк ајларында Иран вә Азәрбајҹан Республикасы арасында сүни ҝәрҝинлији хатырладыб вә әлавә едиб: “Хошбәхтликдән, 13-ҹү һөкумәт вә Азәрбајҹан Республикасы һөкумәтинин конструктив јанашмасы илә ихтилафлар чох сүрәтлә азалды вә әмәкдашлыг имканлары ҝүҹләндирилди. Биз Түркмәнистанла Азәрбајҹан арасында Иран васитәсилә газ мүбадиләси сазишинин имзаланмасынын шаһиди олдуг ки, бу да мүбаһисәләрин азалдылмасында ирәлијә доғру атылмыш аддым иди.

Пакајин гејд едиб ки, әмәкдашлыг вә достлуг чәрчивәсиндә бүтүн өлкәләрин мәнафеји тәмин едилир вә Иран Ислам Республикасы хошбәхтликдән гоншу өлкәләрә достлуг әлини узадыб, әмәкдашлығы ҝүҹләндирмәк үчүн онларын әлини сыхыр.

342/