АБНА24 Хәбәр Верир, бу ҝүн Санкт-Петербургда МДБ өлкәләринин лидерләринин гејри-рәсми ҝөрүшү баш тутаҹаг. Саммитдә Азәрбајҹан, Ермәнистан, Беларус, Газахыстан, Гырғызыстан, Таҹикистан, Түркмәнистан вә Өзбәкистан дөвләт башчылары иштирак едәҹәк. Експертләрин фикринҹә, данышыгларын ҝүндәминдәки ән мүһүм мөвзулар тәһлүкәсизлик вә һәрби әмәкдашлыг, миграсија вә игтисади тәрәфдашлыг ола биләр. Бундан әлавә, аналитикләр ҝөрүшүн әсас мәгсәдинин гаршыдан ҝәлән илин јекунларыны чыхармаг вә МДБ-нин ҝәләҹәк инкишафы јолларыны мүәјјән етмәкдир.
Бу арада Мүстәгил Дөвләтләр Бирлији (МДБ) дөвләт башчыларынын гејри-рәсми саммитиндә Азәрбајҹан вә Ермәнистан рәһбәрләринин дә ҝөрүшә биләҹәји барәдә мәлумат јајылыб.
Гејд едәк ки, саммит әрәфәсиндә Ермәнистанын Баш назири Никол Пашинјан Азәрбајҹан Президенти Илһам Әлијевлә данышмаг нијјәтиндә олдуғуну бәјан едиб.
Никол Пашинјан декабрын 24-дә вердији мүсаһибәдә дејиб: "Һәләлик икитәрәфли ҝөрүшдән сөһбәт ҝетмир, лакин гејри-рәсми ҝөрүшүн баш тутаҹағы еһтималы вар".
Сон ајларда Әлијевлә Пашинјан бир нечә дәфә данышыглар апарыб. Онлар декабрын 14-дә Авропа Иттифагы Шурасынын Президенти Шарл Мишелин васитәчилији илә Брүсселдә ҝөрүшүбләр.
Бу ҝөрүшүн нәтиҹәси олараг, Ирәван вә Бакы дәмир јолунун ишинин бәрпасы илә бағлы разылашманы тәсдигләјибләр. Ертәси ҝүн Франса Президенти Еммануел Макронун васитәчилији илә Ермәнистан вә Азәрбајҹан лидерләринин нөвбәти ҝөрүшү баш тутуб.
Ондан әввәл нојабрын 26-да Путин, Әлијев вә Пашинјан арасында баш тутмуш Сочи ҝөрүшүндә үч өлкә рәһбәри Азәрбајҹан-Ермәнистан сәрһәдиндә сабитлијин вә тәһлүкәсизлијин сәвијјәсини артырмаг үчүн аддымлар атмаг барәдә разылыға ҝәлибләр.
342/
28 dekabr 2021 - 13:43
Xəbər kodu: 1213264
Азәрбајҹан президенти Илһам Әлијев Русија президенти Владимир Путинин дәвәти илә МДБ дөвләт башчыларынын ҝөрүшүндә иштирак етмәк үчүн Санкт-Петербург шәһәринә сәфәрә ҝәлиб.
