АБНА24 Хәбәр Верир, Сәид Хәтибзадә Британијанын Хариҹи Ишләр Назирлијинин Иранын мүдафиә габилијјәтинә мүдахиләсини рәдд едиб вә дејиб: "Иран Ислам Республикасы бејнәлхалг ганунлар вә гајдалар чәрчивәсиндә вә өлкәнин мүдафиә еһтијаҹларына ујғун һәрәкәт едир; она ҝөрә дә нәинки бу ҹүр ачыгламалар вә мөвге тутмаг Иранын дахили ишләринә гарышмаг кими дәјәрләндирилир, һәм дә Лондонун икили стандарт сијасәтинин давам етдијинә ишарәдир".
О, сөзләринин давамында вурғулајыб: "Иран Ислам Республикасынын нүвә програмы, минләрлә саатлыг тәфтиш вә Бејнәлхалг Атом Енержиси Аҝентлијинин чохсајлы һесабатларына әсасән там динҹ характер дашыјыр вә Иранын нүвә енержисиндән һәрби мәгсәдләр үчүн истифадәјә даир һеч бир планы јохдур ки,онун үчүн бир ракет програмы һазырламаг истәсин".
Хәтибзадә әлавә едиб: "Британијалылар һамыдан јахшы билирләр ки, Иранын ракет програмынын БМТ Тәһлүкәсизлик Шурасынын 2231 сајлы гәтнамәси вә онун мүддәалары илә һеч бир әлагәси јохдур".
"БМТ Тәһлүкәсизлик Шурасынын 2231 сајлы гәтнамәсинин мүддәаларыны өз рәјинә ујғун олараг, шәрһ етмәклә, практики олараг, ону позан Британијадыр", - дејә, о әлавә едиб.
Хәтибзадә Британија рәсмиләринин Ираны реҝион үчүн тәһлүкә кими гәләмә вермәк ҹәһдләрини писләјәрәк, дејиб: "Јәмәндәки һуманитар фәлакәт дә дахил олмагла, реҝионда гејри-сабитлик вә етибарсызлығы ҝүҹләндирән Британија вә диҝәр Авропа өлкәләринин бәзи реҝион өлкәләринә бөјүк һәҹмдә габагҹыл силаһларын сатышы илә бағлы дојмак билмәјән иштаһларыдыр. Буну биләрәкдән едирләр ки, бу ҹүр силаһлардан истифадә бејнәлхалг һүгуга, хүсусән дә һуманитар һүгуга зиддир".
"Буна ҝөрә дә гејри-сабитлији вә тәһлүкәсизлији артырмаг үчүн реҝионун мәзлум халглары вә бејнәлхалг иҹтимаијјәт гаршысында ҹавабдеһлик вә мәсулијјәт дашыјанлар мәһз онлардыр", дејә, о гејд едиб.
Иран Хариҹи Ишләр Назирлијинин сөзчүсү сонда вурғулајыб ки, Иран Ислам Республикасы өз мүдафиә габилијјәти илә бағлы нә һеч кимдән иҹазә алыр, нә дә кимсә илә данышыглар апарыр.
Гејд едәк ки, Британија Хариҹи Ишләр Назирлији Иранын мүдафиә габилијјәтинә мүдахиләчи мөвге тутараг, Иранын ракет ҝүҹү вә Ислам Ингилабы Кешикчиләри Корпусунун тәлимләриндә баллистик ракетләрин бурахылмасына гәзәбини ифадә едән бәјанатлар вериб.
342/
25 dekabr 2021 - 13:43
Xəbər kodu: 1212158
Иран Хариҹи Ишләр Назирлијинин сөзчүсү Британијанын хариҹи ишләр назиринин Иранын мүдафиә габилијјәти илә бағлы мүдахиләчи ифадәләринә вә мөвгејинә сәрт реаксија вериб.
