АБНА24 Хәбәр Верир, Пашинјан дејиб:“Бу јахынларда АТӘТ-ин Минск Групунун һәмсәдрләри данышыгларын ҝүндәлијини тәклиф едибләр. Биз дә бунда мараглыјыг"
Һәртәрәфли һәлл вә һәртәрәфли сүлһүн бәргәрар олмасы Ермәнистанын ән мүһүм мәгсәдләриндән биридир. О гејд едиб ки, Азәрбајҹанла бүтүн һазыркы мүзакирәләрә мәһз бу истигамәтдә бахмаг лазымдыр.
Пашинијан, декабрын 28-дә Санкт-Петербургда Мүстәгил Дөвләтләр Бирлији өлкәләри дөвләт башчыларынын гејри-формал ҝөрүшү чәрчивәсиндә Азәрбајҹан президенти илә ҝөрүш олаҹағыны билдириб.
Ермәнистанын баш назири Түркијә президенти Рәҹәб Тајјиб Әрдоғанла ҝөрүшүн мүмкүнлүјүнү дә билдириб. "Ҝөрүш барәдә разылашма јохдур, лакин данышыглар уғурла апарыларса, јүксәк вә али сәвијјәдә ҝөрүшләр кечириләҹәк", - Пашинјан дејиб.
"Ермәнистан һәр заман дејирди ки, илкин шәрт олмадан низамланмаја һазырдыр, бу о демәкдир ки, сојгырымын танынмасы һеч заман шәрт кими гојулмамалыдыр", - Пашинјан гејд едиб. О әлавә едиб ки, "ермәни сојгырымы"нын бејнәлхалг аләмдә танынмасы Ермәнистан һөкумәтинин ҝүндәлијиндә галыр.
342/
25 dekabr 2021 - 13:42
Xəbər kodu: 1212157
Ҹүмә ҝүнү Ермәнистанын баш назири Никол Пашинјан онлајн режимдә мәтбуат конфрансында етдији чыхышында Минск групунун һәмсәдрләринин тәклифләри чәрчивәсиндә сүлһ данышыгларына һазыр олдуғуну дејиб.
