Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасынын Президенти Илһам Әлијев декабрын 22-дә Иран Ислам Республикасынын хариҹи ишләр назири Һүсејн Әмир Абдуллаһианын башчылыг етдији нүмајәндә һејәтини гәбул едиб.
АЗӘРТАҸ хәбәр верир ки, дөвләт башчысы Ашгабадда Иран Ислам Республикасынын Президенти Сејид Ибраһим Рәиси илә ҝөрүшүнү хатырлатды, бу ҝөрүш заманы ҝәләҹәк әмәкдашлыгла бағлы бир чох мәсәләләрин мүзакирә едилдијини вә Азәрбајҹан-Иран достлуг әлагәләринин бир даһа тәсдигләндијини билдирди.
Һүсејн Әмир Абдуллаһиан Иран Ислам Республикасынын Президенти Сејид Ибраһим Рәисинин саламларыны дөвләтимизин башчысына чатдырды. Президент Илһам Әлијев Иранын дөвләт башчысынын саламларына ҝөрә миннәтдарлығыны билдирди, онун да саламларыны Иран Президентинә чатдырмағы хаһиш етди.
Иранын хариҹи ишләр назири Президент Илһам Әлијевлә Иран Президенти Сејид Ибраһим Рәисинин Ашгабад ҝөрүшүнә тохунараг бу ҝөрүшү өлкәләр арасында әлагәләрдә дөнүш нөгтәси кими дәјәрләндирди.
Сөһбәт заманы сијаси, игтисади, енержи, нәглијјат, һуманитар вә диҝәр саһәләрдә әмәкдашлығын дәринләшдирилмәси үчүн бирҝә сәјләрин давам етдирилмәсинин ваҹиблији вурғуланды.
Ҝөрүшдә икитәрәфли әмәкдашлығымызын ҝүндәлијинин ҝениш олдуғу билдирилди вә јахшы нәтиҹәләрин әлдә едиләҹәјинә үмидварлыг ифадә олунду.
Диггәт: Хәбәрдән Истифадә Етдикдә Мәнбәјә Истинад Лазымдыр!
