Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Иранда јени һөкумәт формалашандан сонра бир сыра јени лајиһәләрлә бағлы конкрет ишләр ҝөрүлүр”.
Буну Азәрбајҹанын хариҹи ишләр назири Ҹејһун Бајрамов иранлы һәмкары Һүсејн Әмир Абдуллаһианла бирҝә кечирдији мәтбуат конфрансында дејиб.
О билдириб ки, Азәрбајҹан – Түркмәнистан – Иран арасында имзаланан газ нәгли илә бағлы мүгавилә 2022-ҹи илин јанвар ајындан етибарән иҹра едиләҹәк.
Назир билдириб ки, Азәрбајҹанла Иран әмәкдашлығы дәринләшдирмәк үчүн јол хәритәси үзәриндә дә ишләјир.
Гејд едәк ки, Ашгабадда имзаланан мүгавиләјә әсасән, Түркмәнистан газы Иран Ислам Республикасы васитәсилә Азәрбајҹана чатдырылаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!
