АБНА24 Хәбәр Верир, Русија сүлһмәрамлыларынын мөвҹудлуғу сајәсиндә Гарабағда һуманитар вәзијјәт јахшылашыб. РИА Новости хәбәр верир ки, буну Русијанын Президенти Владимир Путин Мүдафиә Назирлијинин ҝеништәркибли коллеҝија иҹласында чыхышы заманы билдириб.
"Бир илдән артыгдыр ки, бизим сүлһмәрамлыларымыз Гарабағда сабитлији дәстәкләмәјә јардым едирләр. Бир чох һалларда онларын сәјләри сајәсиндә һуманитар вәзијјәт јахшылашыб, бир сыра рајонларда минатәмизләмә ишләри һәјата кечирилиб, сосиал инфраструктур објектләри бәрпа олунур, тарихи вә мәдәни абидәләр сахланылыб", - дејә Путин гејд едиб.
Русија президенти сонда сүлһмәрамлы тапшырыглары јеринә јетирән шәхси һејәтә пешәкарлығына, дөзүмлүлүјүнә вә мөһкәмлијинә ҝөрә тәшәккүр едиб.
Хатырладаг ки, 10.10.2020-ҹи илдә Азәрбајҹан, Русија вә Ермәнистан лидерләринин Гарабағ үзрә үчтәрәфли бәјанаты имзаланыб. Бәјаната әсасән, Дағлыг Гарабағ мүнагишә зонасында 2020-ҹи ил нојабрын 10-у саат 00:00-дан етибарән бүтүн һәрби әмәлијјатларын дајандырылмасы вә там атәшкәс барәдә разылашыблар. Бәјаната ҝөрә, тәмас хәтти вә Лачын дәһлизи бојунҹа Русија Федерасијасынын сүлһмәрамлы континҝенти јерләшдирилир. Паралел олараг Ермәнистан силаһлы гүввәләри ишғал олунмуш әразиләрдән чыхарылмалыдыр.
Азәрбајҹан иҹтимаијјәти сүлһмәрамлылары бирмәналы олараг сепаратчылара лојаллыг ҝөстәрмәкдә вә Азәрбајҹанын суверен һүгугларына лагејд јанашмагда иттиһам едир.
342/
22 dekabr 2021 - 13:11
Xəbər kodu: 1211189
Русија лидери сүлһмәрамлы тапшырыглары јеринә јетирән шәхси һејәтә тәшәккүр едиб.
