АБНА24 : Беһруз Кәмалвәнди дејиб: Иран Кәрәҹдә јерләшән Теса комплексиндә зәрәр чәкмиш камераларын дәјишдирилмәсини «төрәдилмиш тәхрибатчылығын мигјаслары барәдә космик-тәһлүкәсизлик арашдырмаларынын апарылмасы», «бу тәхрибатчылыгларын аҝентлик тәрәфиндән писләнилмәси» вә «гурашдырылмаздан өнҹә Иран тәрәфиндән јени камераларын техники-тәһлүкәсизлик арашдырмаларынын һәјата кечирилмәси» кими үч өншәртлә шәртләндирмишди.
Кәмалвәнди әлавә едиб: Иранын бу камераларын дәјишдирилмәси лисензијасынын верилмәси истигамәтиндә атдығы көнүллү аддым јени бир разылашма формасында дејил, бу үч өншәртин тәмин едилмәсиндән сонра һәјата кечиб вә бу ҝүн Иран тәрәфиндән камераларын техники-тәһлүкәсизлик арашдырмалары просеси башланмалыдыр.
Иранын Атом Енержиси Тәшкилатынын сөзчүсү сонра белә сөјләјиб: Иранын Атом Енержиси Тәшкилаты бир техники вә ихтисас органы кими мүаһидә чәрчивәсиндә Атом Енержиси үзрә Бејнәлхалг Аҝентликлә ардыҹыл анлашмалара маликдир вә бу анлашмалар өзүнә сијаси форма алмамалыдыр.
Кәмалвәнди дејиб: Медиа мүһитиндә вә психоложи әмәлијјат мәгсәдилә Гәрб вә сионист медиалар Иранын Атом Енержиси үзрә Бејнәлхалг Аҝентликлә анлашмаларыны сијасиләшдирмәјә чох сәј едирләр вә тәәссүфләр олсун ки, аҝентликдә дә бу хүсусда тәмајүлләр мөвҹуддур.
342/
19 dekabr 2021 - 13:10
Xəbər kodu: 1210122
Иранын Атом Енержиси Тәшкилатынын сөзчүсү билдириб ки, Иран вә МАГАТЕ-нин ҹари мөвзулары ади гајдада изләнилмәкдәдир. Гејд едиб ки, Иран тәрәфиндән Кәрәҹдә јерләшән Теса комплексиндә зәрәр чәкмиш камераларын техники-тәһлүкәсизлик арашдырмалары просеси башланаҹаг.
