Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, дүнән 2021, Декабрын 14-дә НАТО ишғалчы блокунун баш катибинин дәвәти әсасында Азәрбајҹана һаким кәсилмиш әлијевләр сүлаләсинин башчысы Илһам Әлијевлә ишғалчы алјансын баш катиби Јенс Столтенберг арасында ҝөрүш олуб.
Ҝөрүшдә НАТО ишғалчы алјансынын баш катиби Азәрбајҹанын НАТО ишғалчы алјансынын дәјәрли тәрәфдашы олдуғуну дејиб вә ишғалчы алјансын узун мүддәт ишғал етдији Әфганыстанда Азәрбајҹан Силаһлы Гүввәләринин "Гәтијјәтли дәстәк" әмәлијјатларындакы “хидмәтини” јүксәк гијмәтләндириб. Гејд едиб ки, Азәрбајҹан ишғалчы гүввәләри Әфганыстаны сонунҹу тәрк едән ишғалчы һәрби гуллугчулар олублар вә онлар НАТО илә әмәкдашлыг едән 120 миндән чох әфганлынын Әфганыстан һава лиманы васитәсилә тәхлијәсинә “төһфә” верибләр. Јенс Столтенберг буна ҝөрә рәсмән сүлалә башчысы Илһам Әлијевә тәшәккүрүнү билдириб.
Сүлалә башчысы гејд едиб ки, Азәрбајҹан НАТО-нун етибарлы тәрәфдашыдыр вә бу, артыг онун Алјансын мәнзил-гәрарҝаһына једдинҹи сәфәридир. Илһам билдириб ки, Азәрбајҹан һәрбчиләри 2002-ҹи илдән 2021-ҹи ил августун сонунадәк Әфганыстанда НАТО ишғалчы гүввәләри илә бирҝә “хидмәт” едибләр.
Илһам һабелә Азәрбајҹанын НАТО ишғалчы алјансынын үзв өлкәләри илә сых достлуг вә стратежи тәрәфдашлыг әлагәләринин олдуғуну гејд едиб, еләҹә дә ишғалчы алјансын апарыҹы үзв дөвләтләриндән олан “гардаш” Түркијә илә стратежи мүттәфиглик мүнасибәтләринин мөвҹуд олдуғуну дејиб.
Ҝөрүшдә Азәрбајҹанын 1994-ҹү илдән ишғалчы НАТО алјансынын “Сүлһ наминә тәрәфдашлыг” програмы илә тәрәфдашлығынын ваҹиблији вурғуланыб. Бу чәрчивәдә Азәрбајҹанын НАТО ишғалчы алјансынын Фәрди Тәрәфдашлыг үзрә Әмәлијјат Планында вә диҝәр програмларында фәал иштирак етдији, Азәрбајҹан Силаһлы Гүввәләри илә ишғалчы НАТО Силаһлы Гүввәләри арасында оператив һәрби ујғунлашманын инкишаф етдији диггәтә чатдырылыб. Ејни заманда, Азәрбајҹанын НАТО ишғалчы алјансынын тәлимләриндә вә икитәрәфли әсасда Түркијә илә Азәрбајҹан арасында кечирилән тәлимләрдә иштиракы мәсәләләри әтрафында фикир мүбадиләси апарылыб.
Сөһбәт заманы, һәмчинин Азәрбајҹанын Авропанын енержи тәһлүкәсизлијиндә ојнадығы мүһүм ролу гејд олунду. Азәрбајҹанын НАТО ишғалчы гүввәләринин "Гәтијјәтли дәстәк" миссијасынын һәјата кечирилмәсиндә реҝионал нәглијјат вә лоҝистика мәркәзи кими вердији төһфәләр дә тәгдир едилди.
Диггәт: Хәбәрдән Истифадә Етдикдә Мәнбәјә Истинад Лазымдыр!
