Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, "WikiLeaks"ин гуруҹусу Ҹулиан Ассанҹын АБШ-а екстрадисијасы медиа азадлығы принсипләрини тәһдид едәҹәк".
Буну "РИА Новости"јә мүсаһибәсиндә Бејнәлхалг Журналистләр Федерасијасынын (IFJ) нүмајәндәси билдириб.
Федерасија рәсмиси һәмчинин хатырладыб ки, Ассанҹ кими арашдырмачы журналистләрә ҹинајәт иши ачылараг тәгиб олунмасы демократик ҹәмијјәтдә баш вермәмәлидир.
Ассанҹ АБШ-а тәһвил вериләҹәк
- Ассанҹын АБШ-а екстрадисијасы тәкҹә онун һәјатыны дејил, һәм дә мәтбуат азадлығынын фундаментал принсипләрини тәһлүкә алтына атаҹаг. IFJ Ассанҹын һүгугшүнаслар групунун бу мәһкәмә гәрарына етираз үчүн истәнилән сәјләрини дәстәкләјәҹәк, - аҝентлик нүмајәндәси билдириб.
Хатырладаг ки, бу ҝүн Лондон мәһкәмәси АБШ-ын апеллјасија шикајәтини тәмин едиб вә ишин Вестминстер Мәһкәмәсинә ҝөндәрилмәси барәдә гәрар вериб. Ејни заманда Ассанҹын һәбсдә галаҹағы да тәсдигләниб. Ону АБШ-да 175 илә гәдәр һәбс ҝөзләјир.
Диггәт: Хәбәрдән Истифадә Етдикдә Мәнбәјә Истинад Лазымдыр!
