АБНА24 Хәбәр Верир, Иран Ислам Республикасынын президенти Сејид Ибраһим Рәиси Түркијә президенти Рәҹәб Тајјыб Әрдоғанла телефон сөһбәтиндә игтисади вә тиҹари саһәләрдә Теһран-Анкара әлагәләринин өнәминә тәкидлә гејд едиб ки, тезликлә вә Теһранда бирҝә иҹласын кечирилмәсилә һәмкарлыгларын инкишафы јени етапа дахил олаҹаг.
Түркијә президенти дә ики өлкәнин хүсусилә игтисади вә тәһлүкәсизлик сааһәләриндәки әмәкдашлыгларыны мүһүм адландырыб. Дејиб ки, һазырда реҝион өлкәләри арасында бирҝә һәмкарлыглар идејасы һаким кәсилиб вә сон сәфәр вә мәшвәрәтләр онун уғуруну ҝөстәрир.
Теһран илә Анкара арасында бирҝә һәмкарлыг топлантыларынын кечирилмәсинә тәкид едән Әрдоған гејд едиб ки, Теһрана олаҹаг гаршыдакы сәфәриндә ики өлкә әлагәләри инкишафын јени фәслинә дахил олаҹаг.
Иран вә Түркијә тәбии мәнбәләри, әһали структурлары, мәдәни вә тарихи бағлылыг вә ортаглыгларына, һәмчинин ҝеополитик мәсәләләрә ҝөрә, реҝионда тәсирли өлкәләрдән һесаб олунурлар. Ики өлкә әлагәләринин дәринләшмәси реҝионун тәһлүкәсизлијинә зәманәтчи вә сабитлијин јарадылмасы үчүн мүһүм бир амилдир.
Гоншуларын, ислами вә дост өлкәләрин, Теһранын хариҹи сијасәтинин приоритетиндә дуран Иран Ислам Республикасынын нөгтеји-нәзәринҹә, реҝионун һазыркы проблемләриндән бир чоху, о сырадан терроризм, реҝионашыры мүдахиләләр вә әҹнәбиләрин иштиракындан ирәли ҝәлир вә бу проблемләрин һәлли дә реҝион өлкәләринин сәји вә интеграсијасыны тәләб едәҹәк.
Бу әсасда Иран вә Түркијәнин рәсмиләри дә сон ајлар реҝионал вә бејнәлхалг һадисәләр барәдә мәшвәрәти артырыблар. Онлар һәмчинин ики өлкәнин тиҹарәт мүбадиләләринин артырылмасы вә гоншулуг сијасәтинә әсасән, Гәрби Асијада асајиш, тәһлүкәсизлик вә сабитлијин ваҹиблијинә тәкид едибләр.
342/
10 dekabr 2021 - 09:57
Xəbər kodu: 1207067
Иран вә Түркијә президентләри бир телефон данышығында терроризмлә мүбаризә вә игтисади саһәләрдә ики өлкә әмәкдашлыгларынын ҝенишләндирилмәсинә тәкид едибләр.
