Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Милли Мәҹлисдә Һүгуг сијасәти вә дөвләт гуруҹулуғу комитәси илә Бејнәлхалг мүнасибәтләр вә парламентләрарасы әлагәләр комитәсинин бирҝә онлајн иҹласы кечирилиб.
Топлатынын ҝүндәлијинә “Әгли мүлкијјәтин һүгуги горунмасы вә мүһафизәси саһәсиндә әмәкдашлыг вә әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шуранын јарадылмасы һаггында” Сазишә вә “2010-ҹу ил 19 нојабр тарихли “Әгли мүлкијјәтин һүгуги горунмасы вә мүһафизәси саһәсиндә әмәкдашлыг вә әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шуранын јарадылмасы һаггында Сазиш”ә дәјишикликләр едилмәси һаггында” Протокола гошулмаг барәдә вә “Әгли мүлкијјәт саһәсиндә һүгуг позунтуларынын гаршысынын алынмасы саһәсиндә әмәкдашлыг һаггында Сазишин хүсуси рәјлә тәсдиг едилмәси барәдә” ганунун ләғв едилмәси һаггында” ганун лајиһәси дахил едилиб.
Милли Мәҹлис сәдринин биринҹи мүавини, Һүгуг сијасәти вә дөвләт гуруҹулуғу комитәсинин сәдри Әли Һүсејнли билдириб ки, ики комитәнин бирҝә иҹласынын ҝүндәлијинә чыхарылан мәсәлә әгли мүлкијјәт һүгугунун горунмасы вә мүһафизәси саһәсиндә әмәкдашлыг үзрә сазишләрин ратификасијасы илә әлагәдардыр. Сазишләрин спесификлијиндән данышан биринҹи витсе-спикер диггәтә чатдырыб ки, сәнәддә саһә әмәкдашлыг органынын јарадылмасы нәзәрдә тутулуб. Сазишә ҝөрә, тәрәфләр әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шура јарадырлар вә Шура өз фәалијјәтини бу сазишин ајрылмаз һиссәси олан мүвафиг Әсаснамә әсасында һәјата кечирир.
Гејд олунуб ки, Азәрбајҹан тәрәфи сәнәдә мүәјјән гејд-шәртлә гошулур. Азәрбајҹанын индијәдәк бејнәлхалг сәнәдләри имзалајаркән Ермәнистанын торпагларымызы ишғалы фактыны хүсуси гејд-шәрт кими ирәли сүрсә дә лакин парламентин Һүгуг сијасәти вә дөвләт гуруҹулуғу комитәсинин сәдри һазырда тәгдим олунан гејд-шәртин әрази бүтөвлүјү мәсәләси илә дејил, Азәрбајҹанла Ермәнистан арасында мүнасибәтләрин нормаллашмасы илә бағлы олдуғуну билдириб.
Бејнәлхалг мүнасибәтләр вә парламентләрарасы әлагәләр комитәсинин сәдри Сәмәд Сејидов чыхышында ҝүндәлијә чыхарылан бир ганун лајиһәсинин бир сазиш вә бир протокол олмагла ики бејнәлхалг сәнәдин ратификасијасыны вә бир ганунун ләғв едилмәсини нәзәрдә тутмасындан данышыб.
Билдирилиб ки, бу бејнәлхалг сәнәдләр 2010-ҹу ил нојабрын 19-да Санкт-Петербург шәһәриндә имзаланмыш “Әгли мүлкијјәтин һүгуги горунмасы вә мүһафизәси саһәсиндә әмәкдашлыг вә әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шуранын јарадылмасы һаггында” Сазиш вә 2017-ҹи ил мајын 26-да Казан шәһәриндә имзаланмыш “2010-ҹу ил 19 нојабр тарихли “Әгли мүлкијјәтин һүгуги горунмасы вә мүһафизәси саһәсиндә әмәкдашлыг вә әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шуранын јарадылмасы һаггында Сазиш”ә дәјишикликләр едилмәси һаггында” Протоколдур.
Сөзүҝедән сазиш вә протоколла бағлы тарихи ардыҹыллыг үзрә әтрафлы изаһат верән комитә сәдри Азәрбајҹанын бу сәнәдләрә гошулмасыны дөврүн чағырышлары контекстиндә дәјәрләндириб.
Сәмәд Сејидов тәгдим олунан сазишлә бағлы Азәрбајҹанын мүвафиг гејд-шәртинин кејфијјәтҹә јени мәзмун дашыдығыны, Вәтән мүһарибәсиндәки Зәфәримизин јаратдығы реаллыглара вә чағырышлара там ујғун олдуғуну билдириб. Белә ки, Азәрбајҹанын гејд-шәртинә ҝөрә бу сазишин мүддәалары мүнагишәнин нәтиҹәләри там арадан галдырылана вә Ермәнистанла Азәрбајҹан арасында мүнасибәтләр нормаллашана гәдәр Азәрбајҹан Республикасы тәрәфиндән Ермәнистан Республикасына мүнасибәтдә тәтбиг едилмәјәҹәк.
Гејд едилиб ки, ганун лајиһәсиндә 1998-ҹи ил 4 декабр тарихли “Әгли мүлкијјәт саһәсиндә һүгуг позунтуларынын гаршысынын алынмасы саһәсиндә әмәкдашлыг һаггында Сазишин хүсуси рәјлә тәсдиг едилмәси барәдә” Ганунун ләғви дә 2010-ҹу ил нојабрын 19-да Санкт-Петербург шәһәриндә имзаланмыш “Әгли мүлкијјәтин һүгуги горунмасы вә мүһафизәси саһәсиндә әмәкдашлыг вә әгли мүлкијјәтин һүгуги горунмасы вә мүһафизәси мәсәләләринә даир Дөвләтләрарасы Шуранын јарадылмасы һаггында” Сазишин мүддәаларындан ирәли ҝәлир.
Депутатлар Асим Моллазадә вә Елман Нәсиров иҹласда чыхыш едәрәк ганун лајиһәси илә бағлы фикирләрини вә мүсбәт рәјләрини сәсләндирибләр. Онлар сазишин Азәрбајҹанын марагларына там ҹаваб вердијини гејд едибләр вә сәнәдлә бағлы ирәли сүрүлән гејд-шәртдә Вәтән мүһарибәсиндә Зәфәримизин реаллыгларынын әкс олунмасыны јүксәк дәјәрләндирибләр.
Мүзакирәләрин сонунда сәнәд бахылмасы үчүн Милли Мәҹлисин пленар иҹласына төвсијә олунуб.
Иҹласда Һүгуг сијасәти вә дөвләт гуруҹулуғу комитәси сәдринин мүавини Гүдрәт Һәсәнгулијев, Бејнәлхалг мүнасибәтләр вә парламентләрарасы әлагәләр комитәси сәдринин мүавини Севинҹ Фәтәлијева, депутатлар Әминә Ағазадә, Сабир Һаҹыјев, Нурлан Һәсәнов, Вүгар Искәндәров, Таһир Кәримли, Азај Гулијев, Ҹәби Гулијев, Бәһруз Мәһәррәмов, Елшән Мусајев, Мадәр Мусајев, Низами Сәфәров, Саһиб Алыјев, Ниҝар Арпадараи, Ҹаваншир Фејзијев, Турал Ҝәнҹәлијев, Азәр Кәримли, Нәсиб Мәһәмәлијев, Рамин Мәммәдов, Севил Микајылова, Расим Мусабәјов, Сабир Рүстәмханлы вә диҝәр рәсми шәхсләр иштирак едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
