АБНА24 Хәбәр Верир, Һәмас һәрәкатынын сөзчүсү Һазим Гасим сионистләрин "Әл-Лод" вә "Әл-Рәмлә" шәһәрләриндә гондарма "бајраг јүрүшүнә" реаксијада, бу һәрәкәти Фәләстинин әсл саһибләринә гаршы иргчи вә агрессив давраныш кими гијмәтләндириб.
Гасим әлавә едиб: "Сионистләрин бу јүрүшү, мүстәмләкәчи гәсәбә сакинләринин 1948-ҹи илдә ишғал едилмиш әразиләрин дахилиндә фәләстинлиләрин милли мөвгејинә ҹаваб вермәк ҹәһдидир, чүнки фәләстинлиләр "Гүдс Гылынҹы" дөјүшүндә галиб ҝәлдиләр вә дастан јаздылар.
Һәмас-ын сөзчүсү бу ҹәһдләрин Фәләстин милләтинин бирлији вә мүгавимәти илә уғурсузлуға дүчар олаҹағыны бәјан едәрәк, 1948-ҹи илдә ишғал едилмиш әразиләрин сакинләрини, сионистләрин Фәләстин халгыны исраиллиләшдирмәк вә хаос јаратмаг тәдбирләри илә мүбаризәјә вә Гүдсү дәстәкләмәјә чағырыб.
"Бајраг јүрүшү" адәтән Баб әл-Әмуд вә Гүдсүн гәдим мәһәлләләриндән кечәрәк Әл-Әгса мәсҹидинин һәјәтләринә чатыр, бурада "Бајраг рәгси" адлы бир програм һәјата кечирилир вә бу програм васитәсилә сионистләр фәләстинлиләрин Гүдсдән чыхарылмасыны тәләб едирләр.
342/
7 dekabr 2021 - 15:10
Xəbər kodu: 1206262
Фәләстин Ислами Мүгавимәт һәрәкаты Һәмас-ын сөзчүсү вурғулајыб: "Сионистләрин јүрүшү вә әлләриндә сионист бајраглары тутмасы бу торпағын әрәб-фәләстин кимлијини вә онун һәгиги сакинләринин әсиллијини дәјишдирә билмәз".
