Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Мүгәддәс Һәрәмләрин Јенидәнгурма Гәрарҝаһынын мәдәнијјәт мүдири дејиб: Һәзрәт Фатимеји Зәһранын (сәламуллаһи әлејһа) һәјәти бу ханымын мөвлуду илә ејни вахтда Һәзрәт Әмирәлмөминин Әлинин (әлејһи сәлам) пак һәрәминдә ачылышы олаҹаг.
Милад Ҹавади Һәзрәт Фатимеји Зәһранын (сәламуллаһи әлејһа) адына олан һәјәтин ачылышыны 1400-ҹү илин Бәһмән ајында (2022-ҹи илин февралында) елан едәрәк дејиб: Бу һәјәт Һәзрәт Әлинин (ә) һәрәминин көһнә һәјәтинин јанында јерләшир вә музеј истисна олмагла башга бүтүн лајиһәләрин гаршыдан ҝәлән ики аја гәдәр тәслим едиләҹәк.
Гејд едәк ки, “Һәзрәти Фатимә Зәһранын (сәламуллаһи әлејһа) Адына Һәјәтин Бөјүк Лајиһәси” Ислам мемарлығынын шаһ әсәридир вә мүгәддәс зијарәтҝаһлар тарихиндә ән бөјүк иншаат мүһәндислији лајиһәләриндән биридир. Бу лајиһәнин тәртибчиси, иҹрачысы вә тәсисчиси Иран Ислам Республикасынын “Мүгәддәс Һәрәмләрин Јенидән Тикинтиси Гәрарҝаһы”дыр. Бу гәрәрҝаһ Ираг Шиә Вәгф Мәһкәмәси вә Имам Әлинин (әлејһи сәлам) Мүгәддәс Һәрәми илә там координасија шәраитиндә бу Бөјүк Лајиһәни тамамламаға наил олмушдур.
Саһәси 60 мин квадратметрдән чох олан Һәзрәти Фатимә Зәһранын (с) һәјәти мүгәддәс һәрәмин көһнә һәјәтиндән дөрд дәфә бөјүкдүр вә 4 мәртәбәдән вә бир нечә бөјүк ејвандан ибарәтдир. Лајиһәјә ибадәт вә зијарәт јерләри илә јанашы, зијарәтҝаһ музејинин бинасы, Астан китабханасы (бир милјон китаб тутуму олан вә әлјазмаларын бәрпасы емалатханасы илә тәҹһиз олунуб) вә Елми Һөвзәнин дәрсләри вә дини мүһазирәләр үчүн бөјүк неф дахилдир. Бөјүк ибадәт залы, зәвварлар үчүн меһман хана, һамам вә туалет, зијарәтҝаһын гуллугчулары үчүн јемәкхана бу һәјәтин диҝәр һиссәләридир.
Диггәт: Хәбәрдән Истифадә Етдикдә Мәнбәјә Истинад Лазымдыр!
