Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан, Түркмәнистан вә ИИР арасында газын своп тәдарүкү үзрә Ашгабадда имзаланан мүгавилә бүтүн тәрәфләрә газандыран бир разылашмадыр.
Буну Бејнәлхалг Арашдырмалар Институтунун иранлы експерти Меһдијә Әбүлһәсәни дејиб.
М.Әбүлһәсәнинин сөзләринә ҝөрә, бу мүгавилә әсасында Иран Ислам Республикасы Түркмәнистандан идхал етдији газ үчүн вәсаит өдәмәјәҹәк, бунун гаршылығында Азәрбајҹана газ ихраҹ едәҹәк.
Експерт әлавә едиб ки, бу мүгавилә ҹидди сијаси вә игтисади әһәмијјәт дашыјыр, бу бахымдан һәр үч өлкә үчүн мүсбәт фактор һесаб олунур:
"Иран Ислам Республикасы Игтисади Әмәкдашлыг Тәшкилатынын беш үзв өлкәси илә гоншудур. Үстәлик санксијалар шәраитиндәдир. Буна ҝөрә дә ИИР мүтләг гоншу өлкәләрлә мүнасибәтләри инкишаф етдирмәлидир. Бу бахымдан газ свопу үзрә мүгавилә һәр ики аспектдән Иран Ислам Республикасына көмәк едәҹәк", - дејә о билдириб.
М.Әбүлһәсәнинин фикринҹә, бу мүгавилә Иранын Авропаја газ ихраҹы үчүн перспектив дә јарада биләр.
Иран Ислам Республикасынын Милли Нефт Ширкәтинин бејнәлхалг мәсәләләр үзрә идарәсинин сабиг мүдири Мәһәммәд Әли Хәтиби дә гејд едиб ки, Иранын шимал вә шимал-шәрг вилајәтләри өлкәнин газ шәбәкәсинин сонунда јерләшир вә сојуг фәсилләрдә истеһлакын артмасы илә һәмин әразиләрдә газын тәзјиги ашағы дүшүр:
"Иранын бу вилајәтләриндә инфраструктур проблемләринә ҝөрә, гыса мүддәт әрзиндә истеһлакын азалдылмасы үзрә һәр һансы план иҹра етмәк мүмкүн дејил. Түркмәнистан, ИИР вә Азәрбајҹан арасында газ свопу үзрә имзаланан мүгавилә Иранын шимал вә шимал-шәрг вилајәтләриндә верилән газын тәзјигинин ашағы дүшмәсинин гаршысыны ала биләр. Һазыркы шәраитдә бу вилајәтләрә газ верилмәси үчүн алтернатив јол јохдур", - дејә о билдириб.
Гејд едәк ки, нојабрын 28-дә Азәрбајҹан, Иран вә Түркмәнистан Ашгабадда газын своп тәдарүкү барәдә разылашма имзалајыблар. Разылашмаја әсасән, Түркмәнистандан Азәрбајҹана Иран Ислам Республикасы васитәсилә илдә 1,5 - 2 милјард кубметрәдәк газ ҝөндәриләҹәк. Мүгавиләнин иҹрасына бу ајдан башланылмасы ҝөзләнилир.
Диггәт: Хәбәрдән Истифадә Етдикдә Мәнбәјә Истинад Лазымдыр!
