АБНА24 Хәбәр Верир, Террорчулара силаһла давраныш гајдалары өјрәдилир. АБШ бу мәгсәдлә Һәсәкә вилајәтинә 70 нәфәрлик һејәт ҝөндәриб.
Тәлимләрин тәхминән бир ај давам едәҹәји билдирилиб.
АБШ вә Франса Һәсәкә вә Дејр-әз-Зур әразиләриндә террорчулара бундан әввәл дә мүхтәлиф тәлимләр кечибләр.
Гејд едәк ки, Бирләшмиш Штатлар Суријада Фәрат чајынын шәрг рајонларында јерләшән нефт јатагларынын мүһафизәси үчүн хүсуси бөлмәләр јарадыб. Бу бөлмәләрин нүвәсини әсасән күрдләрдән ибарәт ЈПҜ јараглылары тәшкил едир.
АБШ-ын Гәрби Асијадакы Мәркәзи Команданлығы даһа әввәл бу өлкә әсҝәрләринин Сурија нефтини вә ҝәлирләрини чыхармаг үчүн орада галдыгларыны билдирмишди. Сурија һөкумәти исә АБШ вә мүттәфигләринин һәрәкәтләрини бу өлкәјә гаршы ишғал кими гијмәтләндирдијини дәфәләрлә бејнәлхалг тәшкилатларын диггәтинә чатдырыб. Буна бахмајараг америкалылар бу чағырышлары гулаг ардына вурурлар.
2019-ҹу илин нојабр ајынын әввәлиндә Трампын АБШ гошунларынын Суријадан чыхарылмасы һаггында вердији вәдинә бахмајараг, һазырда АБШ гүввәләри Суријанын нефт еһтијатларынын 90%-нин јерләшдији Фәрат чајынын шәргиндәки әразидә галмагда давам едир.
Мүшаһидәчиләрин дедијинә ҝөрә, АБШ нефт јатагларындан истисмар олунан нефтин сатыша чыхарылмасы илә Пентагонун бирбаша нәзарәтиндә олан ајры-ајры террор тәшкилатларыны, һәм дә Түркијә тәрәфиндән террор груплашмасы һесаб олунан вә Суријанын мәркәзи һөкумәтинә табе олмагдан чәкинән ЈПҜ јараглыларыны малијјәләшдирир.
342/
5 dekabr 2021 - 16:41
Xəbər kodu: 1205527
АБШ хүсуси хидмәт органлары Суријанын шимал-шәргиндәки Һәсәкә вилајәтиндә јүзләрлә ЈПҜ/ПКК террорчусуна тәлим кечир.
