Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ирагда 2021-ҹи ил парламент сечкиләриндән 51 ҝүн сонра, чохлу шикајәт вә узун-узады етиразлардан сонра сечкиләрин јекун нәтиҹәләри ачыгланды.
Ираг Али Сечки Комиссијасынын рәһбәри Ҹәлил Аднан 30 декабр 2014-ҹү ил чәршәнбә ахшамы кечирдији мәтбуат конфрансында нәтиҹәләри ачыглајыб.
О, дејиб: Бу сечкидә иштирак едәнләрин сајы 9 милјон 629 мин 610 нәфәр (шәхсләрин 44 фаизи) олуб.
Аднанын сөзләринә ҝөрә, етиразларын нәзәрдән кечирилмәси 5 јерин дәјишмәси илә нәтиҹәләниб.
Ираг Али Сечки Шурасынын мәлуматына ҝөрә, галиб ҝәлән коалисијаларын сырасы беләдир:
Биринҹи) Әл-Сәдрија (Шиә, Сејид Мүгтәда әс-Сәдрин рәһбәрлик етдији): 73 јер
Икинҹи) Әл-Тәгдим Коалисијасы (сүнни, Мәһәммәд әл-Һалбоуси, Хамис әл-Ханҹар вә Салим әл-Ҹубоури тәрәфиндән идарә олунур): 37 јер
Үчүнҹү) Һүгуг Дөвләти Коалисијасы (Шиә, Нури әл-Маликинин рәһбәрлик етдији): 33 јер
Дөрдүнҹү) Ираг Күрдүстаны Демократик Партијасы (Мәсуд Бәрзанинин рәһбәрлик етдији - күрдләр): 31 јер
Бешинҹи) Әл-Фәтһ Коалисијасы (Шиә, Һәшду Шәби-Халг сәфәрбәрлијинин командирләриндән бири Һади Әл-Амиринин рәһбәрлик етдији): 17 јер
Бешинҹи) Күрдүстан Коалисијасы ("Бафел Талабани"нин рәһбәрлик етдији - күрдләр): 17 јер
Једдинҹи: Гәтијјәт Коалисијасы (Сүнни, Хамис әл-Хәнҹәрин рәһбәрлик етдији): 14 јер
Сәккизинҹи) Әл-Ҹәил Әл-Ҹәдид Һәрәкаты (Шәсвар Әбдүл Ваһидин рәһбәрлик етдији - күрдләр): 9 јер
Сәккизинҹи) Имтидад Коалисијасы (Шиә, сон ики илдә күчә етиразчыларындан ибарәт, “Әлаа Рикаби”нин баш катиблик етдији ҹәрәјан): 9 јер
Онунҹу) Ишрагәту Канун (Шиә, Имам Һүсејнин (әлејһи сәлам) мүгәддәс һәрәминә бағлы): 6 јер
Он биринҹи) Гәрар Коалисијасы (Шиә, Бәсрә вилајәтиндә сијаси фәаллардан ибарәт): 5 јер
Он икинҹи) Вәтәнпәрвәрләр Иттифагы Коалисијасы (Шиә, "Фалеһ Әл-Фәјјаз", Һәшду Шәби- Халг сәфәрбәрлик тәшкилатынын рәһбәри): 4 јер
Он үчүнҹү) Бабилиләр Һәрәкаты (Христиан, Һәшду Шәби-Халг сәфәрбәрлик тәшкилатынын командирләриндән бири олан Рајан әл-Кәлданинин рәһбәрлик етдији): 4 јер
Он дөрдүнҹү) Вәтәнпәрвәр Дөвләтин Ҝүҹлү Коалисијасы (Шиә, о ҹүмләдән Сејид Әммар әл-Һәкимин рәһбәрлик етдији Милли Һикмәт Һәрәкаты вә Һејдәр әл-Абадинин рәһбәрлик етдији Әл-Нәср Коалисијасы): 4 јер
Он бешинҹи) Һәсм әл-Ислаһ Һәрәкаты (Сүнни, Сабит әл-Аббаси рәһбәрлик едир): 3 јер
Он алтынҹы) Ҹумһуријјәтимиз Кимлијимиздир Коалисијасы (Сүнни, "Әһмәд Әл-Ҹәбури"нин рәһбәрлик етдији): 3 јер
Он једдинҹидән ахырына гәдәр) Бир мандатлы партијалар вә ҹәрәјанлар: 17 партија вә ҹәрәјан
Беләликлә дә, Ирагын сијаси партија вә ҹәрәјанларындан һеч бири һөкумәти гурмаг үчүн мандатларын әксәријјәтини газана билмәди вә онлар бир-бири илә иттифаг јаратмаға мәҹбур олурлар.
Диггәт: Хәбәрдән Истифадә Етдикдә Мәнбәјә Истинад Лазымдыр!
