Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Ермәнистанын үчтәрәфли бәјанатда нәзәрдә тутулан өһдәликләрини позмаға давам етмәси ҹидди нараһатлыг доғурур”.
АПА-нын хәбәринә ҝөрә, буну Хариҹи ишләр назири Ҹејһун Бајрамов Стокһолмда АТӘТ Хариҹи Ишләр Назирләри Шурасынын 28-ҹи иҹласында чыхышы заманы дејиб. Ҹ. Бајрамов билдириб ки, мүнагишәнин баша чатмасы Ермәнистан вә Азәрбајҹан арасында јахшы гоншулуг әлагәләринин јарадылмасы үчүн уникал фүрсәтләр јарадыр:
“Мүнагишәнин баша чатмасы Ермәнистан вә Азәрбајҹан үчүн әрази бүтөвлүјү вә суверенлијинә һөрмәт вә гаршылыглы таныма, бејнәлхалг сәвијјәдә танынмыш сәрһәдләрин тохунулмазлығы принсипләри әсасында јахшы гоншулуг вә дөвләтләрарасы әлагәләр гурмаг фүрсәти тәгдим едир. Азәрбајҹан буна һазыр олдуғуну дәфәрләрлә вурғулајыб вә мүнагишәнин баша чатмасындан дәрһал сонра практики олараг дәрһал бир нечә биртәрәфли аддымлар атыб. Ермәнистан исә буна һәлә дә гаршылыг вермәјиб. Ермәнистанын үчтәрәфли бәјанатда нәзәрдә тутулан өһдәликләрини позмаға давам етмәси ҹидди нараһатлыг доғурур. Ермәнистан һәлә дә 10 нојабр үчтәрәфли бәјанатына әмәл етмәјиб вә силаһлы гүввәләрини Азәрбајҹан әразиләриндән там чыхармајыб. Реҝиондакы бүтүн игтисади вә нәглијјат әлагәләриинин бәрпасынын ҝеҹикмәси дајандырылмалыдыр. Бу бүтүн тәрәфләр үчүн ҝениш игтисади фајдалары илә јанашы өнәмли етимад иншасы вә мүнагишә сонрасы нормаллашма тәдбиридир”.
Назир Ҹејһун Бајрамов гејд едиб ки, Зәнҝәзур дәһлизи садәҹә, Азәрбајҹанын әсас һиссәси илә Нахчыван Мухтар Республикасы арасында инсанларын, нәглијјат васитәләринин вә јүкләрин манеәсиз һәрәкәти үчүн дејил, һәм дә Азәрбајҹан вә Ермәнистан арасында һәр ики истигамәтдә нәглијјат әлагәләрини бәрпа едилмәсинә, сүлһ вә әмәкдашлыға хидмәт едәҹәк вә бүтүн реҝион үчүн мисли ҝөрүнмәмиш фүрсәтләр јарадаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!
