Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Мән өзүмлә 14 пастору Азәрбајҹана ҝәтирмишдим. Онлар Азәрбајҹанда христиан абидәләринин чох олмасына, христианларын бу гәдәр раһат шәкилдә ибадәт етмәләринә шәраит јарадылдығына инана билмирдиләр”.
АПА-нын мәлуматына ҝөрә, буну АБШ-ын Етник Анлашма Фондунун Президенти Раввин Марк Шнајер “Мәдәнијјәт наминә сүлһ” глобал кампанијасынын Тәрәфдашлыг Форумунда дејиб.
О билдириб ки, бурада ҹәмијјәтә әмин-аманлығын неҹә тәсир етдијинә шаһидлик едибләр: “Бу, Президент Илһам Әлијевин гәтијјәтли сијасәти нәтиҹәсиндә мүмкүн олуб”.
М. Шнајер гејд едиб ки, сүлһү газанмаг олар: “Сүлһ истәнилән гијмәтдә ән али һәдәф дејил. Сүлһ өзү инсанын виҹдан вә ләјагәтинин ајрылмаз интегралыдыр. Сүлһ департаменти дә олмалыдыр. Сүлһ ја газаныла биләр, ја да алына биләр. Сүлһү шәрә галиб ҝәлмәклә дә газанмаг олар. Сүлһ ләјагәтин ајрылмаз чаларыдыр. Сүлһ үмуми инамымыз, гајғымызын тәҹәссүмүдүр. Мән шүкранларымы Президент Илһам Әлијевә чатдырырам. О, мәдәнијјәтләр арасында сүлһүн тәшвигиндә мајак ролуну ојнајыб”.
О, Президент Илһам Әлијевин јәһуди иҹмасына, Исраил дөвләтинә олан мүнасибәтини тәгдир едиб: “Ән бөјүк јәһуди иҹмасы мәһз Азәрбајҹандадыр”.
Гејд едәк ки, Азәрбајҹанда Әлијевләр сүлалә һакимијјәтинин апардыглары сијасәтләр нәтиҹәсиндә бүтүн јабанчы динләр вә мәзһәбләр чох раһат шәкилдә чохалыр вә ајинләрини иҹра едирләр, лакин өлкәнин 90% әһалисини тәшкил едән Шиәләрин исә өз ајинләрини кечирмәк гадаған едилиб. Белә ки, Мүһәррәмлик ајында вә диҝәр ајларда күтләви јығлышыб мәрсијәләр охумаг, рөвзәләр демәк, Имамларын әзадарлыгларыны сахламаг, мәсумларын милад бајрамларыны кечирмәк, Имам Һүсејн бајрагларыны уҹалтмаг вә с. атрибутлардан истифадә етмәк гадағандыр. Буну ҝөрәнләр исә ағыр нағд ҹәримәләр илә үзләшир вә ја зинданлара мәһкум олурлар.
Диггәт: Хәбәрдән Истифадә Етдикдә Мәнбәјә Истинад Лазымдыр!
