Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Һејдәр Әлијев Фонду Бакы шәһәриндәки Мүгәддәс Мәрјәм католик килсәсиндә апарылан ҹари тәмир-бәрпа ишләрини баша чатдырыб.
Фонддан верилән мәлумата ҝөрә, јүзләрлә католикин ибадәт етдији килсәдәки бәрпа ишләри заманы һидроизолјасија тәмин олунмагла дам өртүјү әсаслы тәмир олунуб.
Гејд едәк ки, килсә 1912-ҹи илдә инша едилиб. Болшевикләр һакимијјәтә ҝәлдикдән сонра 1934-ҹү илдә бир чох дини абидәләр кими, бу килсә дә дағыдылмышды. Азәрбајҹан мүстәгиллијини бәрпа етдикдән сонра үмуммилли лидер Һејдәр Әлијевин ҝөстәриши илә дини мәбәдә еһтијаҹ дујан католикләр үчүн Бакыда јени килсәнин инша едилмәси мәгсәдилә әрази ајрылмышды. Мүгәддәс Мәрјәм католик килсәси 2008-ҹи илин март ајындан истифадәјә верилиб.
Һејдәр Әлијев Фонду вә Рома Католик дини иҹмасы арасындакы әмәкдашлыгдан ирәли ҝәләрәк фонд тәрәфиндән 2008-ҹи илин сентјабрында католик килсәнин асма таван шүшәләри дини мөвзуда вә классик витраж техникасында ишләнмиш бәдии шүшәләрлә әвәз едилиб, ејни заманда мәбәдин фасадында керамик панно јерләшдирилмишди.
Хатырладаг ки, Һејдәр Әлијев Фонду вә Рома Католик дини иҹмасы арасындакы Анлашма Меморандуму мүәјјәнләшдирилмиш саһәләр үзрә инкишаф, јенидәнгурма лајиһәләринин ҝерчәкләшдирилмәси, сосиал вә дини тәјинатлы објектләрә јардымла јанашы, Азәрбајҹанда мәскунлашан халгларын етномәдәни инкишафына јөнәлән тәдбирләрин һәјата кечирилмәсини дә нәзәрдә тутур.
Билдирмәк лазымдыр ки, Һејдәр Әлијев Фондунун президенти Азәрбајҹан Республикасынын Президенти Илһам Әлијевин һәјат јолдашы, Арзу, Лејла вә Һејдәр әлијевләрин анасы, Аз. Респуликасынын витсапрезиденти Меһрибан Әлијевадыр. Фонд дүнјанын мүхтәлиф бөлҝәләриндә милјонлар долларлыг лајиһәләр иҹра едир. Амма әсас нүанс бундан ибарәтдир ки, бу фондун пулу һарадан тәмин олунур? Бу барәдә дәфәләрлә Меһрибан Әлијеваја суаллар үнванланса да лакин бүтүн суаллар демәк олар ки, ҹавабсыз галыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
