Азәрбајҹанда һәрби һеликоптер гәзаја уғрајыб

АБНА24 Хәбәр Верир,бу ҝүн саат 10:40 радәләриндә Азәрбајҹан Дөвләт Сәрһәд Хидмәтинин һәрби һеликоптери Хызы рајону әразисиндә јерләшән “Гараһејбәт” авиасија полиго­нунда тәлим учушлары јеринә јетирәркән гәзаја уғрајыб.

Гәза нәтиҹәсиндә һеликоптерин һејәти арасында һәлак оланлар вә јаралананлар вар. Белә ки, 13 забит вә 1 әсҝәр һәлак олуб.

Мәлуматда гејд окунур ки, Дөвләт Сәрһәд Хидмәтинин вә Баш Прокурорлуғун рәһбәр һејәти һадисә јеринә ҝедиб. Һадисә илә әлагәдар бирҝә арашдырма тәдбирләри һәјата кечирилир".

Бу арада Иран Ислам Республикасынын Азәрбајҹандакы сәфирлији һәрби һеликоптерин гәзаја уғрамасы илә бағлы башсағлығы вериб.

Сәфирлијин Твиттер сәһифәсиндә верилән ачыгламада дејилир:

“Иран Ислам Республикасынын Азәрбајҹан Республикасындакы сәфирлији Дөвләт Сәрһәд Хидмәтинин һәрби һеликоптеринин гәзаја уғрамасы, бир нечә нәфәрин шәһид олмасындан дәрин кәдәр һисси кечирир, дост вә гардаш Азәрбајҹан дөвләтинә вә халгына башсағлығы верир, шәһид оланларын аиләләри илә һәмдәрд олдуғуну билдирир”.

Һеликоптер гәзасында һәлак оланларын адлары беләдир:

1. полковник Ҹавадов Физули Әли Ибрам оғлу;

2. полковник-лејтенант Нәзиров Емил Нәзир оғлу;

3. мајор Һәсәнов Елмир Мирҹәлил оғлу;

4. мајор Әһмәдов Елбрус Сәмрәддин оғлу;

5. мајор Мајылов Емил Шаһид оғлу;

6. мајор Мәммәдов Мурад Јашар оғлу;

7. мајор Әлијев Емил Елман оғлу;

8. тибб хидмәти капитаны Әһмәдханов Ҹејһун Ханлар оғлу;

9. капитан Бајрамлы Ҹавид Әһлиман оғлу;

10. капитан Әлијев Хәјјам Әлихан оғлу;

11. капитан Гараисајев Тејмур Әнвәр оғлу;

12. лејтенант Сүлејманов Абдулла Телман оғлу;

13. баш лејтенант Нағыјев Фәрид Тәјјар оғлу;

14. ишчи Нәбијев Елчин Фикрәт оғлу.

Аллаһ рәһмәт еләсин!

342/