АБНА24 Хәбәр Верир, буну Ҝүрҹүстан баш назиринин мүавини, хариҹи ишләр назири Давид Залкалиани парламентдә етдији чыхышында дејиб.
Ҝүрҹү рәсмиси гејд едиб ки, сон заманлар кифајәт гәдәр актив шәкилдә сәсләндирилән “3+3” тәшәббүсү вә Ҝүрҹүстанын бу форматда мүмкүн иштиракы илә бағлы бу дөвләтин мөвгеи ајдындыр. Бу, ҝеосијаси лајиһәдир. Амма Ҝүрҹүстан һеч вахт агрессив өлкәнин дә иштирак етдији һансыса топлантыда вә ја групда иштирак етмәјәҹәк.
ХИН башчысынын сөзләринә ҝөрә, бунунла белә Тбилиси Ҝүрҹүстан, Азәрбајҹан вә Ермәнистан арасында диалог мејданчасы кими чыхыш едә биләр: “Бизим реҝионда ҝәрҝинлији азалтмаға көмәк едәҹәк игтисади лајиһәләр тәклиф етмәклә, һәмчинин узунмүддәтли сүлһ гурмагла бағлы амбисијаларымыз вар. Ҝүрҹүстан Азәрбајҹан вә Түркијә илә бирҝә Бакы-Тбилиси-Гарс, Бакы-Тбилиси-Ҹејһан, Авропаја енержи ресурларыны тәдарүк едән лајиһәләрдә иштирак едир. Бу, ермәни тәрәфдашларымыз үчүн дә мараг доғура биләр”.
Мүшаһидәчиләр һесаб едирләр ки, Ҝүрҹүстан дөвләти Алтылыг Форматынын ишә дүшмәси илә ҝеополитик вә ҝеостратежи әһәмијјәтини мүәјјән гәдәр итирә билҹәјиндән, ејни заманда Москваја јахынлашдығына хатир АБШ илә НАТО-нун гәзәбинә туш ҝәләҹәјиндән еһтијатланыр.
Бу сәбәбдән истисна дејил ки, Тбилиси октјабрын 18-дә Ҝүрҹүстанда рәсми сәфәрдә олан АБШ-ын мүдафиә назири Ллојд Аустин-нин ачыгламасыны өз мөвгејиндә нәзәрә алмалы олуб.
Пентагон шефи сөзү ҝедән ашыгламада, "3+3" әмәкдашлыг форматына мүнасибәт билдирәркән демишди: "Ҝүрҹүстан әразисинин 20 фаизини ишғалда сахлајан Русијанын һәр һансы бир әмәкдашлыг форматы барәдә данышмаздан әввәл 2008-ҹи илин атәшкәс разылашмасы чәрчивәсиндә өһдәликләрини јеринә јетирмәси даһа јахшы оларды".
Мәсәлә ондадыр ки, Ҝүрҹүстан "3+3" форматында јер аларса, бу, истәр-истәмәз рәсми Тбилиси илә Кремлин мүнасибәтләриндә мүсбәт ирәлиләјишләрә јол ача биләр. АБШ исә буну гәтијјән истәмир. Чүнки, Ағ Евдә Ҝүрҹүстаны АБШ-ын Ҹәнуби Гафгаздакы "сон галасы" һесаб едирләр. "3+3" модели АБШ-ы бу "сон гала"дан да мәһрум бураха биләр.
Ҝөрүнүр, хариҹи ишләр назиринин дүнәнки ачыгламасы илк нөвбәдә Ҝүрҹүстанын Русија илә јахынлашмасынын Ағ Евдә мәмнунлуг јаратмајаҹағыны рәсми Тбилисин диггәтинә чатдырмаг мәгсәдиндән гајнагланыр.
342/
21 noyabr 2021 - 04:53
Xəbər kodu: 1200617
Ҝүрҹүстан һөкумәти билдириб ки, бу дөвләт әразиләрини ишғалда сахлајан Русијанын олдуғу ҝеосијаси лајиһәдә иштирак етмәк истәмир.
