АБНА24 Хәбәр Верир, Русијанын Вјанада јерләшән бејнәлхалг тәшкилатлардакы нүмајәндәси вә Ирана гаршы санксијаларын ҝөтүрүлмәси үзрә Русија мүзакирә командасынын башчысы Михаил Улјанов бир твиттдә белә јазыб: Ирана гаршы санксијаларын ҝөтүрүлмәси үзрә мүзакирәләрдә ирәлиләјишин шаһидијик вә нүвә анлашмасынын мүхалифләри дә өз мөвгеләрини јенидән нәзәрдән кечирмәкдәдирләр.
Улјанов бу твитти АБШ дөвләт департаментинин өзүнүн Иранла бағлы ишчи групунун Әрријадда иҹласынын кечирилмәси вә онун јекун бәјанаты барәдәки твиттинә ҹаваб олараг јазыб.
Америка вә Фарс Көрфәзи Әмәкдашлыг Шурасынын үзвләри бирҝә бәјанатда гејд едибләр ки, нүвә анлашмасы алтында санксијаларын арадан галдырылмасындан сонра Иранла игтисади әлагәләр реҝионун хејринәдир.
Русијанын хариҹи ишләр назири Серҝеј Лавров да өтән ҹүмә ҝүнү бир чыхышда демишди ки, Москва 29 нојабр иҹласында нүвә анлашмасынын там шәкилдә иҹрасы вә Ирана гаршы санксијаларын ҝөтүрүлмәсини истәјәҹәк.
Иран хариҹи ишләр назиринин сијаси мәсәләләр үзрә мүавини Әли Багири дәфәләрлә вурғулајыбдыр ки, гаршыдакы Вјана мүзакирәләриндә әсас һәдәф, Иран халгына гаршы тәтбиг олунмуш ганунсуз санксијаларын арадан галдырылмасыдыр.
Бирләшмиш Штатларын президенти Ҹо Бајденин һөкумәти иддиа едир ки, Вјана шәһәриндә кечириләҹәк мүзакирәләр јолу илә өлкәсинин нүвә анлашмасына гајыдышына лазым олан зәминләри јаратмаг нијјәтиндәдир.
Бу мүзакирәләрдәки ихтилаф зәминләриндән бири, Вашингтонун/ Американын сабиг президенти Доналд Трампын бу өлкәни нүвә анлашмасындан чыхармасындан сонра Ирана гаршы тәтбиг етдији бәзи санксијаларын горунуб сахланылмасына исрар етмәсидир.
Бундан әлавә, Бајден һөкумәти билдирибдир ки, Американын сонракы һөкумәтләринин јенидән нүвә анлашмасындан чыхмајаҹаглары барәдә зәманәт верә билмәз.
Иран Ислам Республикасы вурғулајыбдыр ки, Американын нүвә анлашмасыны позан тәрәф олмасына ҝөрә, мәһз Вашингтон санксијалары арадан галдырмагла анлашмаја ҝери дөнмәлидир вә Бирләшмиш Штатларын өһдәликләри јеринә јетирмәсинин сынагдан кечирилмәси зәруридир.
Әлбәттә, Теһран тәкид едибдир ки, Американын анлашмаја гајытмасына нә исрар едир, нә дә ки, тәләсир.
342/
19 noyabr 2021 - 21:35
Xəbər kodu: 1200179
Русијанын Вјана мүзакирәләриндәки нүмајәндәси Теһран вахты илә чәршәнбә ҝүнү ҝеҹә бир твиттдә гаршыдакы мүзакирәләрдә еһтимал олунан ирәлиләјишдән хәбәр вериб.
