Теһран залымҹасына санксијаларын ләғвинә чағырыр-Шәрһ

АБНА24 Хәбәр Верир, Серҝеј Лавров Русија вә Франса хариҹи ишләр вә мүдафиә назирләринин 2+2 форматында ҝөрүшүндән сонра мәтбуата вердији ачыгламада, өлкәсинин 2015-ҹи илдә имзаланмыш нүвә сазишинин бүтүн мүддәаларынын там шәкилдә һәјата кечирилмәсини вә бу истигамәтдә Ирана гаршы санксијаларын ләғвини дәстәкләјәҹәјини билдириб.

Мүшаһидәчиләр билдирирләр ки, Русијанын МАГАТЕ-нин зәрури шәрти олараг АБШ-ын Ирана гаршы биртәрәфли санксијаларынын ләғв едилмәсинин ваҹиблијиндә исрар етмәси әслиндә нүвә сазишинин мүддәалары әсасында Вашингтонун анти-Иран санксијаларынын ләғви илә бағлы Теһранын принсипиал мөвгејинин дүзҝүнлүјүнүн вә леҝитимлијинин тәсдигидир. Иранын принсипиал тәләби АБШ-ын бүтүн санксијаларынын тамамилә ләғв едилмәси, онун өз тәсдигини тапмасы вә сонра Теһранын өз өһдәликләрини јеринә јетирмәсинә гајытмасындан ибарәтдир. Тәбии ки, Иранын бу мәсәләдә мөвгеји сабит вә дәјишмәздир.

Теһран бу јахынларда Вјанада АБШ-ын гејри-гануни санксијаларынын арадан галдырылмасына јөнәлмиш данышыглары бәрпа етмәјә разылыг вериб вә вурғулајыб ки, данышыгларын мәгсәди Ирана гаршы санксијаларын ләғвинә әсасланан разылашманын әлдә едилмәси олмалыдыр.

Лакин тәәссүфләр олсун ки, һазырда Бајден һөкумәтинин гејри-конструктив мөвгеји бу бејнәлхалг сазишин ҝәләҹәјини тамамилә тәһлүкә алтында гојубдур. Белә ки, Вјана данышыгларында Вашингтон заман графикасы әсасында Иранын өһдәликләринин дајандырылмасыны нәзәрдә тутан бәндләрин гүввәдә галмасында исрарлыдыр вә үстәлик Иранын нүвә мәһдудијјәтләринин әһатә даирәсини ҝенишләндирмәк үчүн јени тәләбләрлә чыхыш едир.

Вашингтон билдириб ки, Ирана гаршы бүтүн санксијалары ләғв етмәјәҹәк вә јалныз нүвә сазишинә гајытмаг үчүн зәрури һесаб етдији санксијалары ләғв едәҹәкдир.

Ејни заманда, Бајден һөкумәти ҝәләҹәкдә нүвә сазишинә садиг галаҹағына даир һеч бир зәманәт вермәк истәмир. Бу мөвге Вашингтонун иррасионал вә агрессив јанашмасыны әкс етдирир.

342/