Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ҹүмә ҝүнү АБШ Конгресиндәки Демократ вә Мүсәлман нүмајәндәси, Бајден һөкумәти тәрәфиндән иҹазә верилән Сәудијјә Әрәбистаны илә АБШ-ын 650 милјон долларлыг силаһ мүгавиләсини әнҝәлләмәјә јөнәлмиш бир гәтнамә тәгдим едиб.
Миннесота штатынын нүмајәндәси Илһан Умар билдириб ки, бу гәтнамә Әр-Ријадын Јәмән мүһарибәсиндәки һүҹумуна вә Сәудијјә Әрәбистанынын дахилиндә вә хариҹиндә мүхалифләрә гаршы јөнәлтдији репрессијалар әлејһинә чыхарылыб.
О, ачыгламасында билдириб: “Сәудијјә Әрәбистаны ҝүнаһсыз инсанлары гәтлә јетирмәјә вә Јәмәндә милјонларла инсаны аҹындан өлдүрмәјә, мүхалифләри өлдүрүб вә ишҝәнҹәләрә мәруз гојмаға вә мүасир көләлији дәстәкләмәјә давам едәркән онлара силаһ сатмаг виҹдандан кәнардыр.
Биз һеч вахт инсан һагларыны позанлара силаһ сатмамалыјыг вә онларын (Сәудијјәлиләрин) мәсулијјәт дашыдығы һуманитар бөһранын гызғын вахтында буну етмәмәлијик. Конгресин бу ҹүр сатышлары (силаһларын) дајандырмаг ҝүҹү вар вә биз бу ҝүҹдән истифадә етмәлијик.”
Гејд едәк ки, бу гәтнамә Нүмајәндәләр Палатасынын вә Сенатын үчдә ики сәс чохлуғунун тәсдигини тәләб едир.
Диггәт: Хәбәрдән Истифадә Етдикдә Мәнбәјә Истинад Лазымдыр!
