АБНА24 Хәбәр Верир,Азәрбајҹан Республикасындакы медиалар вә сосиал шәбәкәләр Ислам Ингилабы Кешикчиләри Корпусу- Сепаһ-ын америкалы дәниз гулдурлары илә гаршылашмадакы уғурлу әмәлијјаты барәдә белә гејд едибләр: Иран, Америка илә мүбаризәдә өз танкеринин нәзарәтини әлә алды.
«Оху.аз» хәбәр-аналитик сајты белә јазыб: Америка ҝәмиләри Иран нефтини дашыјан танкери гачырараг, јанаҹағы башга ҝәмијә өтүрүб вә намәлум истигамәтә ҝөндәриб, бундан сонра иранлы хүсуси тәјинатлы гүввәләр онун ҝөјәртәсинә ениб, гаршысыны кәсәрәк, Иранын әрази суларына ҝөндәрибләр.
Видео кадрлар јајан «Бизим медиа» сајты «АБШ вә Иран ордусу арасында гаршыдурма – Дәниздә үз-үзә ҝәлдиләр» башлыглы хәбәр дәрҹ вә белә гејд едиб: АБШ әсҝәрләри Ирана мәхсус нефт танкерини әлә кечирмәјә ҹәһд едибләр. Иранын дәниз пијадаларынын һеликоптерлә ҝәмијә енмәләри илә америкалы һәрбчиләрин ҹәһди уғурсуз галыб вә ҝәми Иранын әрази суларына ҝәтирилиб.
«АзәрТаҹ» дөвләт информасија аҝентлији исә бу барәдә белә мәлумат вериб: Нојабрын 3-дә сәһәр саатларында Иранын ҹәнубунда - Оман дәнизиндә АБШ һәрби ҝәмиси илә Иран Ислам Ингилабы Кешикчиләри Корпусунун (СЕПАҺ) һәрби катериләри арасында инсидент баш вериб. АБШ һәрби ҝәмиси хәбәрдарлыға бахмајараг, Иранын әрази суларына јахынлашыб. Буна ҹаваб олараг Иранын һәрби катерләри ҝәмини атәшә тутублар. Бундан сонра АБШ һәрби ҝәмиси һадисә јериндән узаглашыб. СЕПАҺ-ын јајдығы ачыгламада билдирилиб ки, АБШ һәрби ҝәмиси хәбәрдарлыг атәшинә мәһәл гојмадығы үчүн атәшә тутулуб.
«Јени Мүсават» гәзети дә билдириб ки, Американын Оман дәнизиндә Иран танкерини әлә кечирмәк үзрә һүҹуму уғурсуз галыб.
“Гафгазинфо.аз” хәбәр сајты исә белә јазыб: АБШ Оман дәнизиндә Ирана мәхсус нефт танкерини әлә кечирмәјә ҹәһд едиб. Бунунла бағлы ҝөрүнтүләр сосиал медиада јајылыб. АБШ Иран танкеринин дашыдығы јанаҹағы башга ҝәмијә јүкләдикдән сонра ону намәлум истигамәтә апарыб. Лакин Ислам Ингилабы Кешикчиләри Корпусунун Һәрби Дәниз Гүввәләри һеликоптерләрлә енмә әмәлијјаты едәрәк танкери Иранын әрази суларына доғру ҝери гајтарыблар.
342/
6 noyabr 2021 - 12:33
Xəbər kodu: 1196034
Сепаһ-ын дәниз гүввәләринин Американын дәниз гулдурлуғу илә мүбаризә үзрә әмәлијјаты Азәрбајҹан Республикасы медиларында ҝениш сурәтдә ишыгландырылыб.
