(“3+3”) платформасыны практик мүстәвијә кечирмәјин вахты ҝәлиб чатыб

АБНА24 Хәбәр Верир,Русија Хариҹи Ишләр Назирлијинин (ХИН) рәсми нүмајәндәси Марија Захарова бу ҝүн кечирдији әнәнәви брифингдә дејиб:

Биз Азәрбајҹан вә Түркијә президентләринин ирәли сүрдүјү “алтылыг платформасы”нын (“3+3”) јарадылмасы идејасыны дәстәкләјирик.

Захарова дејиб: “Әлбәттә, һесаб едирик ки, бу планы практик мүстәвијә кечирмәјин вахты ҝәлиб чатыб. Чохтәрәфли реҝионал әмәкдашлығын инкишафы бу әмәкдашлыг форматында нәзәрдә тутулан бүтүн иштиракчыларын марагларына ҹаваб верир.

Русија Хариҹи Ишләр Назирлијинин (ХИН) рәсми нүмајәндәси 3+3 платформасынын реаллашмасынын сәмәрәләриндән данышыб: "Фикримизҹә, бу әмәкдашлыг механизминин һәјата кечирилмәсинә башланылмасы дөвләтләрарасы мүнасибәтләрдә етимадын јүксәлдилмәсинә, мөвҹуд зиддијјәтләрин низамланмасына, реҝионун игтисади вә нәглијјат потенсиалынын үзә чыхмасына көмәк едәр."-дејә Марија Захарова билдириб.

" Мәсәләләр чохдур. Бу әмәкдашлыг форматы һәм көһнә проблемләрин, һәм дә јени чағырышларын һәллинә көмәк едә биләр вә етмәлидир”, - Русија ХИН рәсмиси вурғулајыб.

М. Захарова Ҹәнуби Гафгазда нәглијјат әлагәләринин бәрпасы үчүн сәј ҝөстәрилдијини дә гејд едиб. О, октјабрын 20-дә Москвада Үчтәрәфли Ишчи Групун 8-ҹи иҹласынын кечирдилдијини дә хатырладыб: “Хариҹи ишләр вә мүдафиә назирликләри, сәрһәд хидмәтләри хәтти илә тәмаслар давам едир. Биз Азәрбајҹан-Ермәнистан сәрһәдләринин делимитасијасы вә демаркасијасына башланылмасы просеси илә бағлы проблемләрин комплекс һәллини ҝөрүрүк. АТӘТ-ин Минск Групунун һәмсәдрләринин хәтти илә дә фәал иш апарылыр”.

342/