АБНА24 Хәбәр Верир,Дөвләт Верҝи Хидмәтинин рәиси Орхан Нәзәрли Тәклиф олунан дәјишикликләр нәтиҹәсиндә бүдҹә ҝәлирләриндә тәхмини 65 милјон манат артымын ҝөзләнилдијини дејиб.
Орхан Нәзәрли һәмчинин “Верҝи Мәҹәлләсинә тәклиф едилән дәјишикликләр Президент Илһам Әлијевин бу саһәдә олан тапшырыгларынын иҹрасы илә бағлыдыр.” -дејә билдириб.
Комитә сәдринин мүавини Әли Мәсимли исә дејиб: Азәрбајҹан Верҝи Мәҹәлләси дәјишикликләрә ҝөрә “Ҝиннесин Рекордлар Китабы”на дүшә биләр. Бу, хариҹи инвесторлары да горхудур.
Милли Мәҹлисин Игтисади сијасәт, сәнаје вә саһибкарлыг комитәсинин бу ҝүн кечирилән иҹласында Верҝи Мәҹәлләсинә едилән бәзи дәјишикликләр бунлардан ибарәтдир:
Муздлу ишчи кими ҹәлб етмәдији физики шәхсләрә һүгуги шәхсләр вә ја фәрди саһибкарлар тәрәфиндән верилән мадди јардым, мүкафат вә тәгаүдләрдән верҝи тутулаҹаг.
Микро-саһибкарлыг субјектләри, гејри-коммерсија тәшкилатлары вә гејри-саһибкарлыг фәалијјәти илә мәшғул олан шәхсләр үчүн јени малијјә санксијасы мүәјјәнләшир.
Физики шәхсләрин мүлкијјәтиндә олан бина, су вә һава нәглијјаты васитәләри истисна олмагла, верҝи өдәјиҹиси кими гејдијјатда олан фәрди саһибкарларын балансларында олан әсас вәсаитләр әмлак верҝисинә ҹәлб едиләҹәк.
Банклара вә банк әмәлијјатларынын ајры-ајры нөвләрини һәјата кечирән диҝәр кредит тәшкилатларына малијјә санксијаларынын әһатә даирәси ҝенишләндирилир.
Трансфер гијмәтләри әсас ҝөтүрүлмәклә үмуми дәјәри 500 000 манатдан артыг олан әмәлијјатлара даир мүвафиг арајышы вахтында тәгдим етмәјән вә ја тәһриф едилмәклә тәгдим едән шәхсләрә тәтбиг едилән малијјә санксијасынын мәбләғи 4 дәфә артырылыр.
Нәзарәт олунан хариҹи мүәссисәләрин Азәрбајҹан Республикасында верҝијә ҹәлб олунмасы механизми ганунвериҹилијә дахил едилир.
Меһманхана, тибб мүәссисәләри, бәрбәрханалар, ҝөзәллик салонлары вә косметоложи мәркәзләрләр тәрәфиндән ҝөстәрилән хидмәтләр үзрә пул һесаблашмалары да верҝи органынын електрон информасија системинә реал вахт режиминдә гошулмуш нәзарәт-касса апараты васитәсилә һәјата кечирилмәлидир.
Физики шәхсләрин ҝүзәштли верҝи тутулан өлкәләрә (офшорлара) көчүрмәләринин өдәмә мәнбәјиндә 10 фаиз дәрәҹә илә верҝијә ҹәлб едилмә олаҹаг.
Лајиһәјә әсасән, физики шәхс олан истеһлакчылар тәрәфиндән Азәрбајҹан әразисиндә пәракәндә тиҹарәт вә ја иҹтимаи иашә фәалијјәти ҝөстәрән шәхсләрдән алынмыш маллара, һабелә тибб мүәссисәләри тәрәфиндән ҝөстәрилән тибби хидмәтләрә ҝөрә өдәнилмиш ӘДВ-нин гајтарылмасы гајдасыны мүвафиг иҹра һакимијјәти органынын мүәјјән етдији орган (гурум) мүәјјән едәҹәк.
Бу маддәјә ујғун олараг гајтарылан мәбләғ нағдсыз гајдада өдәнилмиш ӘДВ-нин 15 фаизини, нағд гајдада өдәнилмиш ӘДВ-нин 10 фаизини тәшкил едир.
342*/
4 noyabr 2021 - 05:30
Xəbər kodu: 1195242
Милли Мәҹлисин Игтисади сијасәт, сәнаје вә саһибкарлыг комитәсинин бу ҝүн кечирилән иҹласында Верҝи Мәҹәлләсинә дәјишикликләр едилиб.
