АБНА24 Хәбәр Верир,Арутјунјан билдириб: "Бу мөвзу илә бағлы ХИН нүмајәндәси рәсми шәкилдә ачыглама вериб. Һеч нә әлавә едә билмәрәм".
Онун сөзләринә ҝөрә, мүхтәлиф форматларда сәрһәдләр вә инфраструктурун ачылмасына даир мәсәләләр нәзәрдән кечирилир, лакин ән јүксәк сәвијјәдә ҝөрүшә даир мүзакирәләр һәлә олмајыб.
Даһа әввәл Ермәнистан Хариҹи Ишләр Назирлијинин сөзчүсү Ваан Унанјан бәјан етмишди ки, һазырда Ермәнистан Баш назири илә Азәрбајҹан Президенти арасында һәр һансы бир ҝөрүш планлашдырылмыр.
Хатырладаг ки, даһа әввәл Ермәнистан КИВ нојабрын 9-да Москвада Азәрбајҹан вә Ермәнистан арасында ики јени сәнәдин имзаланаҹағыны билдирмишди.
Сәнәдләрин Русија Федерасијасынын Президенти Владимир Путинин иштиракы илә Азәрбајҹан Президенти Илһам Әлијев вә Ермәнистанын Баш назири Никол Пашинјан арасында имзаланаҹағы дејилирди.
Биринҹи сәнәдин Азәрбајҹан вә Ермәнистанын дөвләт сәрһәдләринин делимитасија вә демаркасијасыны , икинҹи сәнәдин исә реҝионда коммуникасија әлагәләринин ачылмасыны әһатә етдији билдирилмишди.
342/
4 noyabr 2021 - 05:29
Xəbər kodu: 1195240
Бу ҝүн журналистләрә ачыгламасында Ермәнистан һөкумәтинин апарат рәһбәри Араик Арутјунјан билдириб ки, Ермәнистан вә Азәрбајҹан лидерләри – Никол Пашинјан вә Илһам Әлијевин ҝөрүшүнә даир мәлумат јохдур.
