АБНА24 Хәбәр Верир,Азәрбајҹан Демократија вә Рифаһ Партијасынын (АДРП) сәдри Губад Ибадоғлу Губад Ибадоғлу сосиал шәбәкәдә јаздығы мәгаләдә билдириб ки, Азәрбајҹанын өз әһалисинә сатдығы газ Ҝүрҹүстана сатдығы газдан баһадыр, Түркијә вә Болгарыстана сатдығы газын гијмәтијлә исә демәк олар ки, ејнидир.
Експерт суал едиб: Неҹә ола биләр ки, Ҝүрҹүстана јүз километрләр дашынан газын гијмәти Бакыда сатылан газын гијмәтиндән 55,4 доллар уҹуз, Түркијә вә Болгарыстана мин километрләрлә дашынан газын гијмәти исә Бакыда сатылан гијмәтә бәрабәр олсун? Һеч олмазса әдаләтиниз олсун, Азәрбајҹан халгына өз сәрвәтини Ҝүрҹүстанла мүгајисәдә 1,6 дәфә баһа сатмајын!”
Губад Ибадоғлу гејд едиб ки, һөкумәтин бу мәсәләни инкар едәҹәк вә ја әсасландыраҹаг һеч бир аргументи јохдур.
АДРП лидери ону да вурғулајыб ки, Азәрбајҹан һакимијјәти сәмт газыны БП-дән һавајы алыб, өз халгына ҝүрҹүләрдән 1,6 дәфә баһа гијмәтә сатыр.
Хатырладаг ки, БП ширкәти Хәзәр дәнизиндә истисмар етдији нефт гујуларындан чыхан сәмт газыны топлајараг, СОҸАР-а пулсуз верир. Бәзи мәлуматлара ҝөрә, һәмин сәмт газынын иллик һәҹми 2 милјард куб метр тәшкил едир. Бу рәгәмә әсасланарсаг, о заман белә анлашылыр ки, СОҸАР һәр ил өлкәнин дахили тәләбатынын тәхминән 35-40 фаизини, әһалијә сатылан тәбии газын исә 80 фаизә гәдәрини пулсуз әлдә едир.
\
342/
3 noyabr 2021 - 16:14
Xəbər kodu: 1195144
Губад Ибадоғлу әһалијә өз сәрвәтининин ҝүрҹүләрдән 1,6 дәфә баһа сатылмасыны тәнгид едиб.
