АБНА24 Хәбәр Верир,Туран Информасија Аҝентлији бу мөвзу барәдә бир јазыда билдирир ки, Гәза нәтиҹәсиндә Огтај Ҝүләлијев, башындан хәсарәт алыб вә там шүурлу вә сәрбәст шәкилдә һәрәкәт едә биләҹәк вәзијјәтдә Тәҹили Тибби Јардым Хәстәханасына апарылыб. Амма индијәдәк ајдын олмајан сәбәбләрдән 2019-ҹу ил октјабрын 29-дан 30-на кечән ҝеҹә бејнинә гансызма илә әлагәдар онун вәзијјәти писләшиб.
Намәлум сәбәбләрдән прокурорлуг һәлә дә Ҝүлалыјевин өлүмҹүл вәзијјәтә чатдырылмасынын сәбәбини мүәјјән едә билмәјиб. Нәсими Рајон Прокурорлуғу вә Баш Прокурорлуг дәфәләрлә иши мәнтиги сона чатдыраҹағыны вәд едиб. Һәтта 2020-ҹи илин сентјабрында иш ајрыҹа иҹраата ајрылыб. Амма 2020-ҹи ил декабрын 25-дә прокурорлуг ҹинајәт иши ачмагдан имтина едиб.
Һүгуг мүдафиәчиси Огтај Ҝүлалыјевин һәјат јолдашы Фирузә Ҝүлалыјева 2021-ҹи ил јанварын 7-дә Огтајын бир илдән чохдур комада олмасына сәбәб олан һәкимләрин мәсулијјәтә ҹәлб едилмәси зәрурәти һаггында бәјанатла Азәрбајҹан баш прокурору Камран Әлијевә мүраҹиәт едиб. Ҹаваб ҝәлмәјиб.
Мәктуб дәрҹ едилдикдән сонра, јанварын 25-дә Нәсими рајон прокурорлуғу баш прокурорун шәхси нәзарәти алтында јенидән арашдырмаја башлајын. Амма арашдырманын бүтүн мүддәтләринин баша чатмасына бахмајараг, индијәдәк һеч бир нәтиҹә јохдур.
Аиләнин демаршындан вә иҹтимаи наразылыгдан сонра јол гәзасындан бир ил сонра Ҝүлалыјеви автомобил вурмасы факты үзрә мәһкәмә просеси башлајыб. Бу ҹүр јубанма һакимијјәтин инсидентә бағлы олмасына даир мүхтәлиф шүбһәләрин јаранмасына сәбәб олуб.
Туран Информасија Аҝентлијинин јазысында сонда белә дејилир: Огтај Ҝүлалыјев һәр заман инсанларын һарајына јетишән вәтәндаш кими диггәтә вә гајғыја лајигдир. Мүбалиғәсиз демәк олар ки, о, тәгибләрә, тәзјигләрә бахмајараг, һүгуг мүдафиәчиси кими минләрлә вәтәндаша көмәк едиб. Азәрбајҹанын ән парлаг һүгуг мүдафиәчиләриндәнди.
342/
31 oktyabr 2021 - 15:49
Xəbər kodu: 1194080
Дүнән мәшһур һүгуг мүдафиәчиси Огтај Ҝүлалыјеви Бакынын мәркәзиндә машын вурдуғу вахтдан ики ил кечир. Һәмин гәзадан сонра о комада галыр.
