АБНА24 Хәбәр Верир, Губад Ибадоғлу Фаҹебоок сәһифәсиндә јаздығы мәгаләдә билддирир: Гарабағын бәрпасы иш адамлары, јерли әһали үчүн әлавә имканлар јарадыр. Белә ки, јерли саһибкар сифаришләр ала, ишсизләр исә орда иш јерләри газана биләрләр. Лакин, әлдә олунан мәлуматлара ҝөрә, һаким аиләјә јахын чеврәјә дахил олан јүксәк чинли мәмурлара мәхсус ширкәтләрдән вә өзүнүнкүләрдән савајы өзҝә саһибкар ора бурахылмыр. Һәтта верилән мәлумата ҝөрә, Азәрбајҹанда ишсизлик јүксәк сәвијјәдә олмасына бахмајараг, Гарабағда ишләмәк үчүн хариҹдән ишчиләр дә ҝәтирилир.
Мәгаләнин давамында дејилир: Һансы ширкәтләр Гарабағы тикир, инша едир, јоллары, тунелләри чәкир, торпаглары әкир, беҹәрир, ахы бүтүн бунлар нә коммерсија, нә дә дөвләт сирри дејил. Нәдән, һакимијјәт бу барәдә мәлуматлары ҝизли сахлајыр? Оғурлуг јохдурса, нијә шәффафлыг вә һесабатлылыг олмасын? Нијә Гарабағда ҝөрүлән ишләрлә бағлы Азәрбајҹан халгына, ән азындан мәҹбур көчкүнләрә мәлумат верилмир?
Игтисадчынын фикринҹә, Азәрбајҹан ганунвериҹилији дөвләтдән малијјәләшән лајиһәләрин иҹрачыларынын ачыг вә рәгабәтли тендерләр васитәсилә мүәјјәнләшдирилмәсини тәләб едир, лакин, буна да әмәл олунмур. Әҝәр шәһидләрин руһу, газиләрин ганы булашмыш, халгын 27 ил һәсрәтиндә олдуғу торпагларда да коррупсија чичәкләнәҹәксә, онда ора нормал хариҹи инвестор да ҝәлмәјәҹәк, ејни заман мәскунлашма да хејли ләнҝијәҹәк.
Губан Ибадоғлу сонра јазыр: Гарабағын бәрпасы вә инкишафы просесиндә хариҹи сәрмајә чох өнәмлидир, амма, һөкүмәтин коррупсија мараглары ишғалдан азад едилмиш әразиләрә хариҹи инвестисијаларын ҹәлбинә мане олур. Мәҝәр, торпаглары вәтән оғуллары она ҝөрә азад етди ки, орда јени коррупсија оҹаглары формалашдырылсын вә бүдҹәдән талан олунан пулларын сорағы сонрадан да оффшор ширкәтләрдән ҝәлсин.
342/
30 oktyabr 2021 - 19:16
Xəbər kodu: 1193773
Танынмыш игтисади експерт иддиа едиб ки, Азәрбајҹан һакимијјәти ишғалдан азад едилмиш әразиләрдә бәрпа вә јенидәнгурма ишләрини коррупсија мараглары илә идарә едир.
