АБНА24 Хәбәр Верир, гәзет, ејни заманда онларын Түркијәнин Милли Кәшфијјат Тәшкилаты МИТ тәрәфиндән диндирилән заман етдикләри етирафлар әсасында Моссад үчүн һәјата кечирдикләри ҹасуслуг миссијаларынын деталларыны ачыглајыб.
Бу шәхсләрин кимлији вә һәбси хәбәрини 5 ҝүн әввәл Түркијә һөкумәтинә јахын олан һәмин гәзет дәрҹ етмишди.
"Даилј Сабаһ"ын јаздығына ҝөрә, групун әмәлијјатларына рәһбәрлик едән Моссад забити онларла Алманијадан әлагә сахлајырмыш вә бәзиләри илә Алманија, Хорватија вә Исвечрәдә дә ҝөрүшүб.
Моссад забитиндән гысалдылмыш "А.З" ады ил јад едилир, һансы ки, мәлумата әсасән, һәр дәфә дәстәнин бу үзвләринә минләрлә доллар өдәјирмиш.
Ҹасуслуг шәбәкәсинин үзвләринә Түркијә мүхалифәти вә Түркијә университетләриндә охујан әрәб вә фәләстинли тәләбәләр, хүсусилә дә ҝәләҹәкдә мүдафиә сәнајесиндә ишләјә биләҹәјини дүшүндүкләри шәхсләр вә онлара һөкумәт вә бәләдијјәләр тәрәфиндән һансы имканлар тәгдим едилдији һаггында мәлумат топламаг, өјрәнмәк тапшырылыбмыш.
Шәбәкә һәмчинин Түркијәдә фәалијјәт ҝөстәрән мүхтәлиф дәрнәк вә тәшкилатлары арашдырыб вә тапынтылары Исраилин мәхфи хидмәти илә бөлүшүб.
"Даилј Сабаһ"ын јаздығына ҝөрә, Түркијәнин Милли Кәшфијјат Тәшкилатындан (МИТ) 200 нәфәрлик бир груп шүбһәлиләрин мониторинги әмәлијјатында иштирак едиб вә нәһајәт, ҹари илин 7 октјабр тарихиндә онлар һәбс едилибләр.
Мәлумата әсасән, бу шәбәкәнин фәалијјәти сон бир илдә ҝенишләниб, һалбуки онларын бәзиси 2018-ҹи илдән "А.З" илә әлагәдә олублар.
"М.С.А" һәрфләри илә јад едилән Конја шәһәриндәки бир фәләстинли тәләбә вә "А.Б" һәрфләри илә танынан диҝәр бир шәхд пулун алынмасы вә мәлуматын өтүрүлмәсиндә әсас амилләр кими тәсвир едилибләр.
Аҝентләр пул көчүрмәләри үчүн курјер системиндән истифадә едәрәк, зәрҝәрлик мағазалары вә базарлары мәркәз кими истифадә едибләр.
Шүбһәлиләрдән бири 20 илдән артыгдыр ки, Түркијәдә јашајыр вә 46 јашы вар. О, тәхминән 20 ил әввәл дә Моссад илә әлагәдә олмагда иттиһам олунур.
"Сабаһ" гәзети тәсдигләјиб ки, шүбһәлиләрин хариҹи вәтәндашлығы вар вә онларын әксәријјәти әрәб вә фәләстинлидирләр вә онлардан бәзиси Түркијә вәтәндашлығы алыб.
Гәзет ҹүмә ҝүнү дә јазыб ки, "бунларын һамысы" мәлумат өтүрдүкләрини етираф едибләр, лакин әксәријјәти Моссад-а ишләдикләрини билмирмишләр вә елә зәнн едирмишләр ки, Түркијәјә әрәб тәләбә ҝөндәрмәк истәјән Авропа Бирлијиндәки гурумлара вә шәхсләрә вә ја Алманијадакы тәһсил ширкәтләринә мәлумат ҝөндәрибләр.
342/
27 oktyabr 2021 - 18:09
Xəbər kodu: 1192932
Түркијәнин “Даилј Сабаһ” гәзети базар ертәси (25 октјабр) 15 кишинин фотосуну дәрҹ едиб. Гәзетин јаздығына ҝөрә, онлар Түркијәдә һәбс едилмиш Моссад ҹасусларына аиддир. Һәмин шәхсләрин ад вә сојадларынын баш һәрфләри дә шәкилләрин алтында дәрҹ олунуб.
