АБНА24 Хәбәр Верир, 2020-ҹи ил 3 нојабра тәсадүф едән 17 рәбиүл-әввәл әзиз ислам пејғәмбәри Һәзрәт Мәһәммәдин(с.ә) мүбарәк мөвлуду ҝүнү мүнасибәти илә чыхыш едән ислам ингилабынын алимәгамлы рәһбәри Һәзрәт Ајәтулаһүл-үзма Хаменеи Азәрбајҹан Республикасы илә Ермәнистан арасында ҝедән мүһарибәјә тохунараг Гарабағын талеји барәдә јол хәритәси ола биләҹәк өнәмли бәјанат верди.
Һәзрәт Ајәтулаһүл-үзма Хаменеи билдирди ки, Ермәнистан тәрәфиндән ишғал олунмуш Азәрбајҹанын бүтүн әразиләри азад едилмәли вә Азәрбајҹана гајтарылмалыдыр.
Ислам ингилабынын алимәгамлы рәһбәринин бу бәјанаты Гарабағ дискурсијасы кими гәбул едилди вә Азәрбајҹан Республикасынын өз әразиләрини азад етмәк уғрунда ҝедән мүһарибә әснасында Гарабағын талејини дәгигләшдирән јеҝанә бәјанат иди.
Сонракы һадисәләр ҝөстәрди ки, Һәзрәт Ајәтуллаһүл-үзма Хаменеинин “Азәрбајҹанын бүтүн әразиләри азад едилмәлидир” чағырышынын ардынҹа дәрһал “вә Азәрбајҹана гајтарылмалыдыр” ҹүмләсини сөјләмәси чох ҹидди тәһлүкәләри өнләмәк үчүн бөјүк узагҝөрәнликдән мәншә алан бахышдыр.
Инди Ермәнистан Азәрбајҹанын бүтүн әразиләриндән ҝери чәкилиб Амма Гарабағ Азәрбајҹан Республикасына гајтарылмајыб. Бу дурум јенә дә һеҝемончу дөвләтләрә реҝион дөвләтләринә тәсир етмәк имканы јарадыб вә ҹәнуби Гафгазда һәгиги вә әбәди сүлһ вә тәһлүкәсизлијин бәргәрар олунмасыны көлҝәјә салыб. Минск Групунун һәмсәдр өлкәләринин еләҹә дә Авропа гурумларынын мүдахиләчи бәјанатлары вә ҹәһдләрини бунунла изаһ етмәк олар.
Ајәтуллаһүл-үзма Хаменеинин Гарабағ дискурсијасы кими гәбул едилән 17 рәбиүл-әввәл бәјанатында ермәни сепаратчылығы проблеминин дә һәлли өз әксини тапыб. Алимәгамлы рәһбәр “Гарабағдакы ермәниләрин тәһлүкәсизлији дә Азәрбајҹан дөвләти тәрәфиндән тәмин олунмалыдыр” сөјләмәклә, мүдахиләчи әҹнәби дөвләтләрин статус чағырышларыны гәтијјәтлә рәдд етмиш олуб.
Һәзрәт Ајәтуллаһүл-үзма Хаменеи бу бәјанатла “Халгларын өз мүгәддәратыны тәјинетмә” һүгугуну ортаја атараг Гафгазда сепаратизми тәшвиг едән һеҝемончу дөвләтләрә һәм дә бејнәлхалг ганунлары хатырлатмыш олду. Халгларын мүгәддәраты өлкәләрин әрази бүтөвлүјү чәрчивәсиндә һәллини тапмалыдыр вә етник азлыглар јашадыглары өлкәләрин суверинлији вә әрази бүтөвлүјүнә һөрмәтлә јанашмалыдырлар. Алимәгамлы рәһбәр 17 рәби бәјанатында бу һәгигәтә диггәт чәкмиш олду ки, Гарабағ ермәниләри Азәрбајҹан халгынын бир парчасыдыр вә онларын һүгуглары Азәрбајҹан Республикасынын әрази бүтөвлүјү чәрчивәсиндә вә садәҹә Азәрбајҹан Республикасы һөкумәти тәрәфиндән тәмин олунмалыдыр.
342/
25 oktyabr 2021 - 04:08
Xəbər kodu: 1191935
Бу ҝүн рәбиүл-әввәл ајынын 17-и ислам ингилабынын алимәгамлы рәһбәри Һәзрәт Ајәтулаһүл-үзма Хаменеинин Гарабағ барәдә тарихи бәјанатынын илдөнүмү ҝүнүдүр.
