АБНА24 Хәбәр Верир, Русијанын Истинтаг Комитәсинин сәдри Александр Бастрыкин, Черкизовски базарынын кечмиш саһиби Телман Исмајыловун Монтенегро тәрәфиндән Русијаја тәһвил верилмәси илә әлагәдар ачылан ҹинајәт ишиндә әлавә тәдбирләр ҝөрмәји тапшырыб.Бу барәдә Истинтаг Комитәсинин сајтында мәлумат верилиб.
Исмајылова сығынаҹаг верилмәси илә бағлы гәрары ҹүмә ҝүнү Монтенегронун Дахили Ишләр Назирлији гәбул едиб, вә онун истинтаг тәҹридханасындан азад едилмәсинә гәрар верилиб.
Русија Федерасијасы Истинтаг Комитәсинин сајтында верилән мәлумата ҝөрә, јәһуди ҹинајәткар бизнесмен Телман Исмајылова сијаси сығынаҹаг верилмәси илә әлагәдар онун әдаләт мүһакимәсинин һәјата кечирилмәси үчүн Русија Федерасијасына екстрадисијасы мүмкүн дејил.
Гејд едәк ки, Русијада гәтлләрдә вә адам оғурлуғунда иттиһам олунан Азәрбајҹан әсилли јәһуди иш адамы Телман Исмајылов бир мүддәт әввәл Москванын сорғусу әсасында Монтенегронун пајтахты Подгоритсада сахланылыб.
Русија екстрадисија үчүн лазым олан сәнәдләри Монтенегро тәрәфинә тәгдим етдијини билдириб.
Телман Исмајыловун вәкили исә јерли “Вижести” нәшринә билдириб ки, мәшһур азәрбајҹанлы бизнесмен артыг Монтенегрода сијаси сығынаҹаг алыб.
Нәшрин јаздығына ҝөрә, Т.Исмајылов артыг истинтаг тәҹридханасындан бурахылыб.
342/
25 oktyabr 2021 - 04:06
Xəbər kodu: 1191932
Монтенегронун Русијада гәтлләрдә иттиһам олунан бизнесмен Телман Исмајылова сијаси сығынаҹаг вермәси Русијада онун гајтарылмасы үчүн јени тәдбирләрә сәбәб олуб.
