АБНА24 Хәбәр Верир, О, сонра белә дејиб: Иран вә Түркијә мүһаҹирәтин гајдаја салынмасы, һәмчинин мүтәшәккил ҹинајәтләр вә наркотик гачагмалчылығы илә мүбаризә саһәләри хүсусијјәт тәшкил етмәклә әмәкдашлығын ҝенишләндирилмәсиндә бир чох мәнафејә маликдирләр.
Әһмәд Вәһиди Теһранда Сүлејман Сојлу вә ону мүшајиәт едән һејәтлә ҝөрүшдә билдириб ки, Иран вә Түркијә чох ҝүҹлү вә дәрин әлагәләрә маликдирләр.
Вәһиди гејд едиб ки, дост вә гардаш Түркијәнин дахили ишләр назири илә ҝөрүшдә мүхтәлиф һәмкарлыг саһәләри үзрә чох јахшы данышыглар апарылды.
Иранын дахили ишләр назири бүтүн саһәләрдә әлагәләри ҝенишләндирмәк үчүн һәр ики өлкәдә јахшы һазырлығын олдуғуну вурғулајыб.
Сөјләјиб ки, чох сајда мүштәрәк мөвзулар, о сырадан терроризм, бејнәлхалг ҹинајәтләр вә силаһ гачагмалчылығы илә мүбаризә, сәрһәд мүбадиләләри вә онун ҝенишләндирилмәси нәзәрдән кечирилиб.
Вәһиди мүһаҹирәт саһәсиндә һәмкарлыгларын ҝенишләндирилмәсинин ики өлкәнин мараг ҝөстәрдији мөвзулардан олдуғуну вә буҝүнкү иҹласда һәмин саһәләрдә әмәкдашлыгларын ҝенишләндирилмәсинә ҹидди шәкилдә тәкид едилдијини билдириб.
Вәһиди һабелә билдириб ки, буҝүнкү иҹласда АБШ вә сионист режимин реҝиондакы тәхрибатчы ролу кими мүһүм мәсәләләр вә бу режимләрин реҝион халглары, хүсусән Әфганыстан халгы үчүн јаратдыглары хејли сајда проблем ҹидди шәкилдә нәзәрдән кечирилиб.
Гејд едиб ки, ики өлкә стратежи әлагәләрин ҝенишләндирилмәсиндә әзмкардыр вә иншааллаһ, бүтүн саһәләрдә әмәкдашлығын јени үфүгләри формалашаҹаг.
Иранын дахили ишләр назири гејд едиб ки, ики өлкәнин дахили ишләр назирликләринин тәһлүкәсизлик вә низам-интизам саһәләриндә әмәкдашлыг меморандуму имзаламалары Түркијә илә мүнасибәтләрин даһа да дәринләшмәси үчүн јахшы бир башланғыҹ олаҹаг.
342/
22 oktyabr 2021 - 18:39
Xəbər kodu: 1191147
Иранын дахили ишләр назири өз түркијәли һәмкары илә ҝөрүшдә билдириб ки, АБШ вә сионист режим реҝион өлкәләринин әлагәләриндә тәхрибатчы үнсүрләрдир.
