Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Һәмасын һәрби ганады Шәһид Иззәддин әл-Гасам табурлары, Телеҝрам һесабларында дөрд Исраил әсиринин шәкилләрини јајымлајараг, Исраил ордусунун мүгавимәт шәртләри хариҹиндә әсирләрин азадлығын рәнҝини ҝөрмәјәҹәјини бир даһа билдирдиләр.
Бунунла әлагәдар олараг, Һәмас сијаси бүросунун үзвү Хәлил әл-Һәјјә, Исраил әсирләринин Фәләстинли мәһбуслар азад олунана гәдәр азадлығын рәнҝини ҝөрмәјәҹәкләрини билдирәрәк гејд едиб: “Сионистләр Мүгавимәтин шәртләрини гәбул етдикләри тәрздә бу режимлә әсир мүбадиләси мүгавиләсини јазмаға һазырыг.”
Әл-Һајјә, “әл-Әгса” шәбәкәсинә јүксәк сәвијјәли Һәмас нүмајәндә һејәтинин Гаһирәјә сәфәринин вә Мисир кәшфијјат рәсмиләри илә ҝөрүшүнүн нәтиҹәләри барәдә данышараг дејиб: “Бу ҝөрүшләрдә Мисирлә мүнасибәтләр, Гәззанын мүһасирәси вә јенидән гурулмасы, әсирләрин иши вә сионист дүшмәнин тәҹавүзү дә дахил олмагла мүхтәлиф мәсәләләр вә ишләр мүзакирә едилди.”
Диггәт: Хәбәрдән Истифадә Етдикдә Мәнбәјә Истинад Лазымдыр!
