АБНА24 Хәбәр Верир, Һүсејн Әмир Абдуллаһијан телефон данышығы заманы, өлкәләрин мүстәгиллијинә, суверенлијинә вә әрази бүтөвлүјүнә гаршылыглы һөрмәтин ваҹиблијини вурғулајараг, Теһран вә Бакы арасында узунмүддәтли вә дајаныглы мүнасибәтләрин олдуғуну билдириб.
Әмир Абдуллаһијан, һәмчинин Иранын јүк машынлары илә бағлы проблемин һәллини ҝөзләдикләрини сөјләјиб.
Иранын хариҹи ишләр назири сөзләринин давамында ики өлкә арасындакы әлагәләрин дәринлијинә тохунараг, дејиб: "Теһран вә Бакынын дүшмәнләри вар вә тәрәфләр дүшмәнләринә ики өлкә арасындакы мүнасибәтләри корламаг имканы вермәмәли вә нараһатлыглар диалог вә әмәкдашлыг јолу илә һәлл едилмәлидир".
Азәрбајҹан Республикасынын хариҹи ишләр назири дә, бу телефон данышығында Азәрбајҹан вә Иран арасында дост мүнасибәтләрин олдуғуну билдириб вә әлавә едиб: "Гоншу өлкәләрлә дост мүнасибәтләр Азәрбајҹан үчүн приоритетдир".
Ҹ.Бајрамов мәсәләләрин диалог јолу илә сакит вә сәмими бир мүһитдә һәлл едилмәсинин зәрурилијини дә гејд едиб вә Иран јүкләринин транзитиндә олан проблемин ики өлкәнин ҝөмрүк рәсмиләри арасында бирбаша тәмаслар васитәсилә мүзакирә едилмәсини тәклиф едиб.
Азәрбајҹан Республикасынын хариҹи ишләр назири, һәмчинин тутулан ики иранлы сүрүҹүнүн сәрбәст бурахылмасыны тәгиб едәҹәјини вурғулајыб.
Һәр ики назир бир-бирини Теһрана вә Бакыја дәвәт едиб.
342/
14 oktyabr 2021 - 14:48
Xəbər kodu: 1188818
Иран Ислам Республикасынын хариҹи ишләр назири Азәрбајҹан Республикасынын хариҹи ишләр назири илә дүнән ҝеҹә баш тутан телефон данышығында, ики өлкәнин, мүнасибәтләриндә анлашылмазлыгларын гаршысыны алмалы вә мүнасибәтләрини тез бир заманда доғру истигамәтдә вә перспективли шәкилдә давам етдирмәли олдуғуну сөјләјиб.
